شارو ماینزو ئەڵمانیاینە هرووژمەکۍ سەرو سەرنیشت و ۋەرکۊتوو سوریای بە گلېرۆبیەیۍ شەرمەزارۍ کریۍ. جە گلێرۆبیەکەینە داوا جە هێزە مېیاننەتەوەییەکا کریا کە نەبانۍ بە هامبەشۍ ئەردۆغانی جە تاوانەو قڕکەردەینە.
شارو ماینزو ئەڵمانیاینە هرووژمەکۍ سەرو سەرنیشت و ۋەرکۊتوو سوریای بە گلېرۆبیەیۍ شەرمەزارۍ کریۍ.
جە گلێرۊبیەکەیەنە بە نامۍ ئەنجومەنو گەلوو کوردی جە ماینز مەزڵوم رۆژ قسێش کەردۍ و باسش چانەیە کەرد هەڕەشەکۍ ئەرەگیرکەدەی هەرێمەکاو ۋێڕاوەبەری سەرنیشت و ۋەرکۊتوو سوریای یاوان بە قۆناغێوە تازە و ئانەش وست ڕووە کە دۊڵەتو تورکی ئەرەگیری چنی چەتەکاش هرووژم مکەرۆ.
مەزڵوم رۆژ جە درێژەنە واتش: "هێزەکاو پارێزنای گەلی بە سەرمەشقایەتی ژەنا و بە رۆحو کۆبانێوە جە دژو ئەرەگیری مردێنێوە. گەلاو جەهانی و ۋەرکۊتوو مېیامینی پەی پارێزنای ئی شۆڕشەیە کە ئازادی گەلا وێنا مکەرۆ، مشۆم ۋەرپرسیاری سەرو شاناشا جابەجێ بکەرا".
رۆژ داواش جە ئەمریکای و ناتۆی و وڵاتا ئەوروپی کەرد و واتش، "بە پەشتیوانییە سیاسی، سەروازی و مادییەکاتا مەبیدۍ بە هامبەشۍ ئا قڕکاریەی سەرو دەسو ئەردۆغانی دیکتاتۆریرە ئەنجام مڎریۆ".
گلێرۆبیەکەی بە دروشمەکاو "بژییۋۆ مڎرامانوو ۋەرنیشتی" و "ژەنی، ژیۋای، ئازادی" دمایش ئاما.
