دژو هجوومەکاو دەوڵەتو تورکی پەی سەرو هەرێمەکاو پارێزنای میدیای، گەلو کانتۆنو فراتی ڕاشا پیما وچا بارەوە ئەرەنیشتاو کۆبانێ پەی ئاژانسو هەواڵو فورات (ANF)ی قسێشا کەردێ و هەڵوێستشا دژو ئۆپراسیۆنی ئەرەگیرکاری دەوڵەتو تورکی نیشانە دا.

هامسەرۆکو فاڕایۆ و یاونای کانتۆنو فراتی دڵواز نەجیب ئاماژەش پانەیە دا جارێوی تەر ئەردۆغان ملۆوە عێراق تا پلانەی نەگریسەو وێش بکەرۆ و واتش: "ڕاو خیانەتیوە دەوڵەتو تورکی هجووم مکەرۆ. ئەردۆغان پەی پلانێ تازێ ئینا عێراقنە. پێسەو گەلو کانتۆنو فراتی حەرچی ڕووە بدۆ ئینایمێ چەنی گەریلاکاما. بە هێز و ئیرادەماوە پلانەکاو ئەرەگیرکاری ماڕمێ و سەرکەوتەی مسۆگەر مکەرمێن. پێسەو ئانەیە گەلو وانی ورچنیەیەکانە سەرکەوت، گرد وەختێو سەرکەوتەی هینو ئێمەن و بەدڵنیاییوە فاشیزمی ماڕمێ."

'بەدڵنیاییوە سەرێگنمێ'

ئەندامو ئەنجوومەنو بنەیانەو گەشمەردا نەجم کنجۆ قسێش کەردێ و واتش: "هەتا کەسێوما مەنەبۆ چنی گەریلاکاما بیمێ. بەدڵنیاییوە بە ئیرادەیما فاشیستا ماڕمێ. گرد وەختێو مەیدانەکانە بیمێ و پەشتگیری وەنەو گەریلای مکەرمێ. بە سەر و سامانۆ ئەرەگیرکاری تێک مدەیمێ. پێسەو ئەدایاو گەشمەردا کۆبانێنە تا کەشە ئازادەکاو کوردستانی سڵام وەنەو مدرامانو گەریلای مکەرمێ و بەدڵنیاییەوە سەرێگنمێ."

'باوڕمان بە هێزو گەریلاین'

هاموەڵاتێو بە نامێ نەدیم ئەحمەدیوە دەستنیشانش کەرد، کە دەوڵەتە میاننەتەوەییەکێچ پێسەو دەوڵەتو تورکی داواشانە گەریلای دلێنە بەرانێ، پەوکای پێویسا خاوەندارییشا وەنە بکەرمێ و واتش: "گەریلا ڕۆڵێ ئێمەنێ، گرد وەخت ئینایمێ چەنی ڕۆڵەکاما. گەریلا پەی مافو وێش مجەنگیۆ و ئێمەیچ باوڕمان بە هێزو گەریلای هەن."