هێزەکا پارێزناو جڤاکو شارو تەل کۆچەری سەر بە گەرکی لەگی کانتۆنو جەزیرەی و ئەنجوومەنو گەلو گەڕەکو عەنتەرییەی، بە ئەرەیاونێوە بەشداربیەیشا جە بانگەوازەکەو قەسەدەی و ئیدارەو وێڕاوەبەری دیموکراتیکی واوەی کەردۆ.
هێزەکا پارێزناو جڤاکی (هەپەجە)ـی شارو تەل کۆچەری سەر بە گەرکی لەگی جە کانتۆنو جەزیرەی ئەرەیاونا بەشدارێ بیێ بانگەوازو هێزەکا سوریای دیموکراتیکی (قەسەدە) و ئیدارەو وێڕاوەبەری دیموکراتیکی، پەشتیوانی وێشا پەی قەسەدەی بەربڕی پەی پارێزناو هەرێمەکەی.
ئەندامەو هەپەجە عەتیە ئەل سەلمۆ وەردەمو میانکەو هەپەجەینە ئەرەیاوناکەش واناوە.
جەختش وست سەرو هرووژمەکا دۆڵەتو ئەرەگیرو تورکی و چەتەکاش، واتش: "قەسەدە هێزو پارێزناو ڕەواو ئێمەم، تەمامو پێکئاماکا گێرۆ وێش. ئیسەیش وەراوەر دۆڵەتو تورکی و چەتەکاش مڏرامانێ تاریخی و گۆرە مکەرۆ. پۆکەی ئەرکو ئێمەن پاڵو هێزەکامانە مدرمێ، یانە و دەگا و گەڕەک و شارەکاما پارێزنمێ.
بانگەواز جە خەڵکو هەرێمەکەی مکەرمێ بەپاو قۆناغەکەی مامەڵە کەرانە، کە هەستیاری و وێپارێزنای وازۆ".
