ئێشکگێریی ئازاڎی پەی "عەبدوڵڵا ئۊجەلان"ی جە مەیدانوو وەرڎەموو دامودەزگاکاو ئەورووپاینە ماوەو ٥٦٠ حەفتان ملۊ ڕاوە. ئێشکگێریی ئی حەفتەیە لاو دەسێوە جە گەنجانەوە ملۊ ڕاوە، کە جە شاروو سۊلۊتۊرنوو سویسرایۊ، لووۍ پەی کەرڎەی چالاکییەکەی.
چالاکیی ئێشکگێریی ئازاڎی پەی بەدیئارڎەی ئازاڎیی جەسەیی ڕابەروو گەلوو کورڎی "عەبدوڵڵا ئۊجەلان" و ناستەی گۊشەگیری سەرشۊ، جە ٢٥وو حوزەیرانوو ٢٠١٢ەوە بە دەسوەڵیوستەی ئازاڎیی "عەبدوڵڵا ئۊجەلان"ی جە شاروو ستراسبۊرگوو فەڕەنساینە دەسش پەنە کەرد و ماوەو ٥٦٠ حەفتان هەن.
ئێشکگرییەکە حەرحەفتێوە لاو دەسێوە جە کورڎەکاو ئەورووپای و دۊستەکاشاوە ملۊ ڕاوە. ئی حەفتە دەسێوە جە گەنجاو کورڎی، جە شاروو سۊلۊتورنوو سویسرایۊ، لوێنۍ پەی ستراسبۊرگی و چالاکییەکەی بەرا ڕاوە.
ئەنداماو دەسەو ئێشکگێریی ئی حەفتەیە :" سەرجان کلیچ، سەرحەد چەلیک، یەتیش بیرینچی و باران دەمیر"نۍ.
"سەرجان کلیچ" بە نامۍ گەنجە ئێشکگێرەکاوە واتش: "ئێمە داواو ئازاڎی ڕابەرایەتیما کەرمۍ، پەی ئانەیچ ماوەو ١١ ساڵان چێگە چالاکیی ئێشکگێری ملۊ ڕاوە. ئێمە جە شاروو سۊلۊتۊرن-یوە ئامێنمۍ. ئانۍ ڕابەرایەتیی ئازاڎی کەرا، گەنجێنۍ. ئامانجما ئازاڎکەرڎەی ڕابەرایەتی و گەلەکەیمانە، کە ستەمشا وەنە کریان. هەتا ڕابەرایەتیما ئازاڎ نەبۊ، ئێمە سەرەمڕۍ بیمۍ جە چالاکیی ئێشکگێریما".
س.ز
