شەوەی ویەرڎۍ گەنجە ئێزدییەکۍ بە وەڵیوەبییەی یۊبییەی ژەنە گەنجە ئیزیدییا  و یۊبییەی گەنجاو ئێزدی پەی مەبارەککەرڎەی جەژنەو نەورۊزی جە دەگاو کۊلکاینە جە کەشوو شەنگالینە کوۍ بیێوە و ڕاپیمایۍ بێمەشخەڵشا ڕێک وست.

هاموەخت چەنی مەشخەڵەکا، گەنجۍ عەلەمەکاو پەکەکە، یەبەشە، یەژەشەی و ڕسمەکاو ڕابەروو گەلوو کوردی "عەبدوڵا ئۊجالان"یشا بەرزۍ کەرڎێبێنێوە. گەنجۍ بە دروشموو "نەورۊز مەبارەک"ی و "بۍ سەرۊکی ژیوای مەبۊ" بەرەو قەبرسانوو گەشمەرڎە دڵگەشی و گەشمەرڎە مدرامانی کەوتۍ ڕا.

دماتەر گەنجۍ ئاویروو نەورۊزیشا کەرڎۊ و "سارا بۊتان"ە، بە نامۍ گەنجاوە واتش: "بە ڕۊحوو کاوەی هامچەرخی جە کۊشیای و مدرامانیما پەی ئازادی و ئازادیی "ڕابەر ئاپۊ"ی  مەمرڎمۍ.

ئێمە گەنجاو ئێزدی بە دوژمنی ئەرەگیری ماچمۍ، حەرچیۍ کەرڎۍ مەتاودۍ ئیرادەو گلێرگەو ئێزدی ماڕدۍ و ڕا جە وەڵیکەوتەی ئێمە گێرڎێ".

ئەرەیاوناکەیچنە ئامابێپی دماییا قوربانیی فرە گەورە و قورسما پەی پارێزنای ئی دۊزەیە دان و جە سەیەو ئادیشانە ئێمە سەروو خاکوو وێماوەنمۍ.

دماو ئەرەیاوناکەی، گەنجۍ دەوروو ئاویرەکەیرە کەرشا زەماوندە و ورپڕای و دماییشا بە چالاکییەکەیشا ئارد.

س.ز