ئارۆ ٣٧ ساڵێ سەرو پرۆسەو قرکەردەو ئەنفالرە ویەرۆ، کە نزیکەو ١٨٢ هەزار هاموڵاتیێ کوردێ جە لایەنو ڕژێمو بەعسیۆ وڕێ بە نوێنەرایەتی دۆڵەت نەتەوەی، قڕکریا. پرۆسەکە هامکاتەنە پەی قڕکەردەو ژیوای و ژیوگەو پانیشتوو کوردەسانی بێ، کە دلێشەنە نزیکەو پەنچ هەزار دەگێ وێرانێ کریێ.

بە بۆنۆو ساڵۆو ئەنفالیۆ جە شارەدێو ڕزگاری سەربە مییانو ناوچو کەلاری ئیدارەو گەرمیانی بە بەشداری کەسوکارو ئەنفالکریایا و وەرپرسا ناوچەکەی، کۆمەڵێ چالاکیێ یاڏکەردەیۆ ئەنجام دریێ، هەرپاسە تەوەنەو بناغەو مۆنۆمێنتس ئەنفالی نریارە.

نیارەو تەوەنەو بناغەو مۆنۆمێنتەکەی بە دەسو کەسوکارو ئەنفالکریاکا نریارە.