محەمەد ئەمین ئەکمەن یاگەگیرو سەرۆکو پارتو دیموکراسی و وەڵېکۊتەی (دەڤا) چا خەسەخانەنە کە سری سورەیا ئۆندەر ئەندامو شاندو ئیمرالیش چنە عەمەلیات کریان چنی تونجەر باقرخانی هامسەرۆکو دەم پارتی قسێش کەردۍ و جە بارەو گلېرۊبیەکەیشا چنی یڵماز تونچی شالېیارو دادو تورکیای کە قەرارا جە ١٨و نیسانینە ئەنجام بڎریۆ پرسیارەش کەرڎە.

باقرخان جە جوابشەنە ئەرەیاۋناش، بەمەڵامەتو ئاژەو تەندروسی سری سورەیا ئۆندەریوە گلېرۊبیەکەی دما وزیان.