چالاکەو  مافەکا ژەنا و ئەندامەی وەڵینەو پەرلەمانو سویدی ئامینە کاکە باوە، پېوەس بە سزاو جە قەنارەدای سەرو هەر یەرە چالاکا مافەکا ژەنا؛ وریشە مورادیۍ، پەخشان عەزیزیۍ و شەریفە محەمەدیۍ پەیامێوەش ئاڕاسەو مای ساتۆی ڕاپۆرتدەرو نەتەوە یۆگێرتەکا پەی هەرمانوکارو ئێرانی کەرڎ.

جە پەیامەکەنە ئامان: "داوا جە نەتەوە یۆگێرتەکا مکەرو دژو پەسینای سزاو جە قەنارەدای وریشەی، پەخشانۍ و شەریفەی هەڵوێس گېرانە ۋەر ماچۆ، ئا ژەنۍ هەرمانەی مرۆییەشا ئەنجامدان و بەمەڵامەتو کۊششەکاشا پەی خزمەتو مرۆڤایەتی ڕووبەڕوو سزادای بیێنێوە. مشۊم مای ساتۆ دەمودەس هەنگامە بنیۆ پەی هۊرشێونایۆ سزاو جە قەنارەدای ئا یەرە ژەنە زینانیە سیاسییە."

جە بەردەوامی پەیامەکەینە وچیان: " ئا ژەنۍ هەرمانەی مرۆییەشا ئەنجامدێنە و ژیۋای فرەو کەساشا ڕزگار کەردەن، بەڵام بە مەڵامەتو ئا کۊششە ئاشتیوازانە و ژیۋای بەخشاوە، جە ئیساتێنە سزاو جە قەنارەدایشا سەرەرە سەپیان."