گرێ‌سپینە ٩ چەتۍ کوشیۍ
جە شارو گرێ سپی ئەرەگیرکریانە جە جەنگی دلېینە و ملەملانێ بەینو چەتەکا دۊڵەتو تورکینە پشێوی وەش بیەن و ٩ چەتێشا جە یۊترینیۍ کوشتێنۍ.
جارێوەتەر جەنگ و ڕووبەڕوو بیەیۆ جە ما بەینو چەتەکا دۊڵەتو ئەرەگیرو تورکینە جە گرێسپی ئەرەگیرکریانە وەش بی، جە ئاکامەنە ٩ چەتۍ کوشیێنۍ و ١٠ چەتۍ تەریچ زامڎارۍ بیێنۍ.
بە پاو زانیاری سەرچەمە هەرێمییەکا، جە شارو گرێ سپی ئەرەگیرکریانە جە ۋەرنیشتوو کوردەسانی، چەتەکۍ دۊڵەتو ئەرەگیرو تورکی جە ما بەینو ۋێشانە گژیێنۍ و جە ئاکامەنە ٩ چەتۍ کوشیۍ و ١٠ چەتۍ تەریچ زامڎارۍ بیۍ.
واوەی بیەیۆ جەنگەکاشا
هەمان ئا سەرچەمە ئاماژەش پانەی کەرڎەنۍ ڕووۍ چێوەڵیچ بەهەمانشێوە چەتەکۍ دۊڵەتو ئەرەگیرو تورکی دلۍ ۋێشانە بیەن بە جەنگشا و جە ئاکامەنە حۆت چەتۍ زامڎارۍ بیێنۍ.
