گرووپو چەکڎاریی "ۋەرگیری ئیسلامی لیواو ئەحراری عێراق"ی بەئامانج کەرڎەی بنکېۋە سەروازی دەوڵەتو تورکیایشا جە مەنتیقەو باتیفای سەر بە پارێزگاو دهۆکی ئەرەیاۋنا، بەپاو سەرچەمەکا، هجومەکە جەڕاو درۊنیۊ ئەنجامدریان.

گرووپو چەکڎاریی "ۋەرگیری ئیسلامی لیواو ئەحراری عێراق"ی ، کە گرووپېۋە چەکڎاریی نەشناسیان، سەرو زۋان و حاجی ئەبو ئەحمەڎی، قسەکەرو گرووپەکەیوە ۋاتش: "ئا دەرفەتە دماینەو هماهەنگیەی کە ۋەرگیری عێراقی پۍ هێزە ئەرەگیریەکا جە عێراقەنە ئەرەیاۋنانش  پابەنڎبیەیما پۊشۊ ئەرەیاۋنان، بەحیچ جۊرۍ هێزە ئەرەگیریەکا تورکیای مەگېرۊۋە".

 ئاماژەش پانەیچ کەرڎ، ڕۊو چوارشەممەی جە دژوو هێزەکا تورکی چالاکیېشا بیەن ، ئەبو ئەحمەد بۍ ئانەی وردەکاری هجومەکەی و جۆرو ئا چەکا کە بەکارئامېنۍ ئاشکرا کەرۊ، ۋاتش: "بە رۆڵەکا گەلی ۋەشەۋیسو عێراقی و ئومەی ئیسلامی ئەرەیاۋنمۍ، جە بەئامانجگېرتەی بنکېۋە سەروازیی ئەرەگیرا تورکی جە باتیفا سەرکۊتیمۍ، ئاڎیچ دماو حۊڵېۋە فرەو هەواڵگری".

هـ . ش