چالاکی ئێشکگیری ئازادی پەی ڕابەر ئاپۆی جە ٢٥و حوزەیرانو ٢٠١٢ی وەڵێ ئەنجوومەنو ئەورووپای جە ستراسبۆرگو فەرەنساینە دەسش پنەکەردەن و تا ئیسە بەردەواما. چالاکییەکە یاوا حەفتەی ٦٦٦، نۆرە هورگێرتەو ئی حەفتەیە جە لایەنو گرووپو مارسیلیایۆ ملۆڕاوە کە بریتینێ جە جەمێ هونەرمەندا؛ سەیدۆ گمگیم، سەفا تاهتاچی و فرات جۆشان.

سەرو نامێ گرووپەکەی سەیدۆ گمگیم قسێش کەردێ و نەورۆزش جە ڕابەر ئاپۆی و گەشمەرڏا موبارەک کەرد و ئاماژەش پانەیەدا تا مسۆگەرکەردەو ئازادی جەسەیی ڕابەر ئاپۆی جە چالاکییەکەنە بەردەوامێ بیمێ. گمگیم سەرنجش وست سەرو ئا پرۆسەیە کە ڕابەر ئاپۆ دەسش پنەکەردەن و واتش:"ئی پرۆسە پرۆسەو پێکئاردەو ئازادی جەسەیی ڕابەر ئاپۆین. پۆکەی پەنەوازا پێسەو گەلوو کوردی فرە بە خاسی وانایشۆ پەی بکەرمێنە و چنەش یاومێنە."