مۆنۆمێنتو گەشمەرڏا قەڵادزێنە جە ئیدارەو ڕاپەڕینی سنوورو پارێزگاو سلێمانی، جە ٥١ـەمین ساڵ یاڏ و بۆمبواران کەردەو قەڵادزێنە کە جەلایەنو فڕۆکەو جەنگی ڕژێمو بەعسی وڕایۆ ئەنجامدیا و ٤٧٦ هاموڵاتیێ کوردێ گەشمەرڏێ  بیێ، بە بەشداری بەشێ جە هاموڵاتییا ناوچەکەی، لایەنە سیاسی و حزبی و حکومییەکێ و نوێنەرێ لایەنە پەیوەندیدارەکا تاجە گوڵێنێشا سەرو مەزارو گەشمەرڏا بۆمبوارانەکەی نریارە.

یادەکە دماو دەقێوە مڏرای پەی ڕێزگێرتەی جە گیان و گەشمەرڏا دەسش پنەکەرد، جگە جە نییارەو تاجە گوڵینێ سەرو مەزارو گەشمەرڏا، چنین بەرهەمێ هوونەریێ، پێشکەش بە بەشداربییەکا کریا، هەرپاسە کازیوەو زاڕۆڵا چالاکیی هوونەریشا پێشکەش کەرد.

حەر چنە پێسەو ساڵێ وەڵینی، ئێساڵیش بەشێوە فرە ھاموڵاتییا بەمەڵامەتو نیگەرانیی جە حکومەتى هەرمان ڕای کەرو هەرێمو کوردەسانی و پەشت گۆش وستەو شارەکەیشا بەشداریشا جە ساڵیادەکەنە نەکەرد. بەڵام ئامادەبیێ یادەکەی خاوەندارییشا جە یاڏو ڕۆڵە گەشمەرڏەکاشانە کەرد.

یاگێ ئاماژەینە، جە ٢٤ـی نیسانو ١٩٧٤، فڕۆکێ ڕژێمو بەعسی بۆمبوران و سنوورو ناوچەو  قەڵادزێـی سەر بە ئیدارەو ڕاپەڕینی و زانکۆو سلێمانی جا ناوچەنە کەرد، با مەڵامەتۆ ٤٦٧ هاموڵاتیێ گەشمەرڏێ و زامڏارێ بیێ، کە بەشێ چا گەشمەرڏا ونکارێ و مامۆسێ زانکۆو سلێمانی بێنێ.