ئارۆ شاندو پارتو یەکسانی و دیموکراسی گەلا (دەم پارتی) چنی وەزیرو دادو تورکیای، یڵماز تونچی گلێرێ بیێوە. شاندەکەو دەم پارتی پێکئامێ بێنێ جە؛ حەر دووی سەرۆک فراکسیۆنو دەم پارتی گوڵستان کلچ کۆچیگەتە و سزای تەمەلی و هامکارو هامسەرۆکا گرڏی و هامواتەواچوو کۆمسیۆنو مافەکا مرۆڤی و یاسا ئۆزتورک تورکدۆغان.

دماو تەمام بییەو گلێرۆبییەکەی جە لایەنو گوڵستان کلچ کۆچیگێتێوە کۆنگرێوە ڕۆنامەوانی سەرو گلێرۆبییەکەی ئەنجام دریا.

.

'پەنەوازا ئیتر هەلومەجەکە فاڕیۆنە'

گوڵستان کلچ کۆچیگیتە جە سەرەتاو قسەکاشەنە ئاماژەش پانەیەدان گلێرۆبییەکەی سەرو ئا بابەتا بییەن کە وەزارەت تاوۆنە سوودبەخش بۆنە پەی پرۆسەکەی و ئەرەیاوناش: "گەرەکما ئانەیە واچونە کە سەرەکیترین بابەتو گفتوگۆکاما دۆخو هەرمان کەردەی و تەندروسی ئێژا عەبدوڵا ئۆجالانی بییەن، کە ئینا ئیمرالینە و بە بانگەوازو ٢٧ـو شووباتی قۆناغێوە تازەس جە تورکیانە کەردۆ، بەرەو چارەسەرکەردەو دیموکراسییانە و کێشەو کوردی کەردۆ، ئێمە بە ئێژا وەزیرما ئەرەیاونا کە چێرو دۆخو گۆشەگیرینە، ئێژا ئۆجالان مەتاوۆنە بەشداری چی پرۆسەیە بکەرۆ و دۆخو ئێژا ئۆجالانی گرنگترین بابەتا پەی وەڵکەوتەو  پرۆسەکەی و ئی دۆخە مشۆم بەبێ هیچ بەهانێوە هەنگامەش پەی نریۆنە. چی بارۆ، جە ئایندەنە تاومێنە بڕێ وەڵکەوتێ وینمێ."

دۆخو زینانییا سیاسی

گوڵستان کلچ کۆچیگیتە واتش: "کێشەی فرە جددی جە سیستەمو دادپەروەری تورکیاینە هەن و ئێمە دەرفەتو ئانەیما بییەن کە بە شێوێ وەرفراوان باسش چنەکەرمێنە، یۆ جە گرنگترین بابەتەکا زینانییە نەوەشەکێنێ، زانمی کە ئینە نە مرۆییا و نە یاسایی، ویرو ڕاو وێما بەربڕی دەربارەو پەنەوازی ئەنجامدای ڕێکوزتێوە خێرا پەی بەندکریا نەوەشەکاما، بەخێرایی ئازادێ کریانە، ئێمە داواکارییەکێما پەی ئی بابەتەیە پێشکەش کەرد."

حەر جە کۆنگرە ڕۆنامەنویسییەکەنە گوڵستان کلچ کۆچیگیتە دەستنیشانش کەرد: "کە ئاڏێ ڕێکوزتەو یاسایی کاتو  پەتاو کۆرۆناینە پەی مەرجەکا ئازادکەردەو مەرجداری کە بەر کریا بێ بەڵام "تاوانە ڕێکوزتەکا" چانەیە بەدەر بێ، ئێمە چاکە واتما کە پەنەوازا ئا بابەتەو تاوانێ ڕێکوزتەکا چبەرو یاسێ بازۆوە چارەسەرێ کریانە و یاسێوە یەکسانە بۆنە، پێسە شمە مزاندێ دادگاو دەستوورو تاوانێ ‘حەر چنە ئەندامو ڕێكوزتەی نەبۆنە بەڵام بە نامێ ڕیکوزتەیۆ تاوانەش کەردێنە’ـی،

گوڵستان کلچ کۆچیگیتە جە بەردەوامینە واتش: "یۆ جە بابەتەکا تەرو گلێرۆبییەکەی لیژنەکێ ڕاوەبەردەی و چەمدێری بێ کە ڕاگیرێ بانە جە ئازادکەردەو بەندکریایا، داواما کەردە ئی لیژنێ سەر جەنۆ هورسەنگیاوە و دیموکراتیزە کریا چنی ئانەیچ؛ واتما کە پەنەوازا ئی لیژنێ قەرارەکێشا بەپاو پێوەرو بابەتی دانە، ئی میکانیزمە، پێسەو میکانیزمو سزادای دووەمی بەکار مێنە و داواما کەردە دیموکراتیزە کریۆنە و پی جۆرە جە پاکێجەکەنە جێگیر کریۆنە."

گوڵستان کلچ کۆچیگیتە ئاماژەش پانەیەدا: "باس جە سزاو دیسپلینی کریان دژو بەندکریایا و واتش: ئی سزا دیسپلینێ مشۆم بەڕاسی سەرجەنۆ ڕێکێ وزیاوە و ئا چالاکییێ بەندکریایا کە پەی خاس کەردەو دۆخو زینانیا ئەنجام دریانە، پێسەو تاوانەو دیسپلینی هەژمار کریۆنە مەبۆنە قبوڵ کریۆنە."

گوڵستان کلچ کۆچیگیتە دماو ئانەی جواب و پرسیارەو ڕۆنامەنوویساش داوە، جە جواب و پرسیارەو "جواب و وەزیری  چێش بییەن دەربارەو گۆشەگیرکەردەو ئێژا ئۆجالانی و ئا دەستارییا داوا مکەرا جە یاساو ویەردی؟"، گوڵستان کلچ کۆچیگیتە جە جوابەنە  واتش: "دەرفەتما بێ کە گرڏو ئینشا بە دووە قۆڵی باس کریۆنە، ئێژا وەزیر بە وردی تێبینی گرڏو ئینیشاشە کەرد، بەڕاسی بڕێ بابەتێ دەسکاری یاساییی هەنێ کە جەلایەنو گرڏیماوە هامبەشێنێ، گرڏ کەسێ زانۆنە کە چنیب دەسکاری یاسایی نادادپەروەرانێ، ناهەق و دژو یەکسانی هەنێ، پەی نموونەی، کاتێ یاسێکێ بەرەشییە، پەتاو کۆرۆنای تەنیا بەندکریێ مەدەنیێ گێرێوە، تەرسی پەی گرڏ هەنە بەڵام تاوانەو ڕێکوزتەی چبەرو ئیەیە جیا مازمێنە، ئێمە ئەرەیاوناما کە ئینە نادادپەروەرانەن و قبوڵ مەکریۆنە، ئاڏش ئەرەیاوناشا کە سەرو ئی بابەتەیە هەرمانە مکەرا. ئاڏێ بە وردی تێبینی حەر بابەتێوە مکەرا کە ئێمە باسمان کەرد و پەشڕاسشا کەردۆ کە سەرو ئی بابەتا هەرمانە مکەرا و جە ئایندەنە بە دووە قۆڵی ویرو ڕاو ئاڵوگۆڕ مکەرا. هورسەنگنایما دەربارو دۆسییەو کۆبانێ و چنین بابەتێ تەرێ کەردێ."