لە وۆرک شۆپەکەدا ئەکادیمیست، ڕۆژنامەنووس، نوسەر و نوێنەرانی کۆمەڵگەی مەدەنی بەشداربوون، مژاری سەرەکی وۆرک شۆپەکە، باشترکردنی هەلومەرجی ڕێبەر ئاپۆ و بونیاتنانی زەمینەی یاسایی پڕۆسەکە بوون.

لە وۆرک شۆپەکەدا ڕاگەیاندرا بۆ بونیاتنانی ئاشتی دەبێت هەموو بەشەکانی کۆمەڵگە بە ئەرک و بەرپرسیارێتی ڕاپەڕن. بەشداربووان ئاماژەیان بەوەدا پڕۆسەی چارەسەری بەبێ موخاتب و دانوستان پێشناکەوێت.

ئەوەش ڕاگەیاندراوە بۆ ئەو بانگەوازەی کە ڕێبەر ئاپۆ لە پەکەکەی کرد کە کۆنگرە ئەنجام بدەن، جێبەجێ بکرێت دەبێت گۆڕانکاری سیاسی و یاسایی ئەنجام بدرێت.

لە ڕاگەیاندراوی پەیوەست بە وۆرک شۆپەکە گوترا: "دەبێت هەلومەرجی عەبدوڵا ئۆجالان باشتر بکرێت و بە شێوەیەکی چالاک بەشداری کۆنگرەی پەکەکە بکات. ئەوەش ڕاگەیاندراوە کە ئەمە ئەرک و بەرپرسیارێتی حکومەتە."

وەک ئەنجام لە وۆرک شۆپەکەدا ڕاگەیاندراوە بە کۆمەڵگەیبوونی پڕۆسەی ئاشتی و بەشداربوونی گەل لە پڕۆسەکەدا زۆر گرنگە. بۆ ئەمەش دەستنیشانکراوە کە هەموو کارکتەرەکان دەتوانن پڕۆسەکە بەرەپێشەوە ببەن و دەبێت بەپرسیارێتییەوە مامەڵە بکەن.