گوڵبەهار کۆبانێ ئەرەیاۋناش کە حەر پېسە هجومەکەو داعشی و دەوڵەتوو تورکی پۍ سەروو زینڎانوو سەناعەی، ئاڎۍ گرڎوو هجومەکا تەروو سەروو هەرێمەکەیچ دلێنە بەرا و واتش، "جە دژوو پلانە چەپەڵەکا مردمېوە و جە گرڎ وەختۍ بەقوەتتەرێنمۍ".
دووۍ ساڵۍ سەروو هجومەکەو داعشیرە پۍ سەروو گەڕەکەو خوێرانی جە حەسەکە ویەردەن، کە جە ٢٠ /١/٢٠٢٢ دەسشپنەکەرد. یووە جە فەرماندەکا یەپەژەی گوڵبەهار کۆبانێ چی دیڎارەنە چنی ئاژانسەکەیما باس جە ئامانجەکا هجومی پۍ سەروو زینڎانەکەی و کۊشیای جە دژوو داعشی کەرۆ.
گوڵبەهارە ئانەش وست ڕووە کە دەوڵەتوو تورکی و هێزە کۆلۆنیالیستیەکۍ پەی ڕا گێرتەی جە وەڵێکۊتەیاکا سەرنیشت-ۋەرکەوتوو سوریای، جە ڕاو داعشیوە چنڎین پلانەشا متێنەرە و واتش، "جە ساڵەو ٢٠٢٠ینە سیناریوێوە هامشێوەو ئانەیشا کە سەروو خوێرانی ئاماڎەکەردەبۍ، حۊڵشا دابۍ کە هجوم ئەنجام بڎا.هەم ئاستوو ئاماڎەکاری هێزە سەروازییەکاما، هەمیچ ئا زانیارییە هەواڵگیریۍ بەدەسما یاوۍ، حۊڵدای پۍ هجومەکەو ساڵەو ٢٠٢٠یش ئاشکرا کەرد و شکسش پنەئارد. حەرپۊکەی حۊڵشادا بە پلانە و پڕۆژەی تازۆ هجوم ئەنجام بڎاوە. حەرپۊکەی هجومەکەو سەروو خوێرانی دماکەوت".
گوڵبەهارە ئاماژەش پانەیچ کەرد کە داعش جە ٢٠/١/ ٢٠٢٢ بە پلان و پرۆژێوە تازە و بە هامکاری و ڕانمایی دەوڵەتوو تورکی حۊڵشدا سەرجەنۆ هۊربێزۊوە و پی جۆرە درێژەش بە قسەکاش دا: "من مزانوو ئانە تەنیا جە دەسوو دەوڵەتوو تورکینە نەبۍ، جگە چاڎیی بڕۍ هێزۍ میان نەتەوەیێچش چنەبێنۍ، چونکە بێدەنگی جە ۋەران ۋەروو هجومەکەو سەروو خوێرانی، یاخوڎ مامەڵێوە بێلایەنانە پەیوەس بە دەوڵەتوو تورکی، بێدەنگ مەنەیۊیشا بی بە مەڵامەتوو ئاشکرابیەی گەمەکاو هێزە میان نەتەوەییەکا".
فەرماندە گوڵبەهارە واتش، "هجومەکەو ٢٠/١/٢٠٢٢ پۍ سەروو خوێرانی یاخوڎ زینڎانوو سەناعەی هجومېوەن کە وەڵتەر پلانەش پۍ نریێبێرە، جە هەرێمە ئەرەگیرکریاکاوە رێکوزیابۍ. پی جۆرە سەرنیشت-ۋەرکەوتوو سوریای ئەرەگیر کریۍ. هاموەخت پلانەو ئەرەگیرکەردەی حەسەکەی ئارانەبۍ کە دەورێوە ناوەنڎیی گێڵنۆ. پلانەکۍ ئانۍ بۍ کە دلێنە گورزە شانا".
گوڵبەهارە ئاماژەش پانەی کەرد کە هجومەکەو سەروو زینڎانوو سەناعەی کە ٥ هەزار چەتۍ داعشیش چنەنۍ، بەشێوە چا سیناریۆ و پلانا بیەن کە بە دەیان جارۍ شکسشا پنەئامان. ئامانجوو ئا حۊڵەیچە لاوازکەردەی هێزەکامابۍ. گەرەکشابۍ ئانەی نیشانە بڎا کە چا شارانەی کە ئینا چێروو هەیمەنەو یەپەژە-یەپەگە- قەسەدەینە نائارامی و پشێوی بیەیش هەن. بەڵام گرڎ کەس ئا حەقەتینەشا دی، مردنای داعشی جە زینڎانەنە ۋێش جە ۋێشەنە ئازایەتیا، هێزێوە گۊرەن کە گرڎ کەسۍ مزانۆ، داعش بۆمبێوە زینڎەن کە زەرەر بە هەرێمەکەی میاونۆ. هجومەکە جە بنەڕەتەنە سەروو بنەماو ئەسڕیەیۆ و دلێنەبەردەی ئەنجام دریا. جە ئەساسەنە پۍ دلېنەبەردەو گەلا سەرنیشت- ۋەرکەوتوو سوریای ئا هجومۍ ئەنجام دریۍ".
گوڵبەهارە مەڵامەتوو سەرنەکۊتەی هجومەکەیش پۍ ئاستوو ئاماڎەکاری هێزە سەروازییەکا وەڵۍ دەسپنەکەردەو جەنگەکەی گێڵناوە و ئەرەیاۋناش، سات بە سات ئاژەکە چەمڎاری کریا، جە مژاروو پسپۆری و چالاکبیەینە ئاماڎەکاریێوە پا جۆرە بۍ کە راسەوخۆ دەسوەردای ۋەران ۋەر بە بە هجومەکەی ئەنجامدریا. جە ڕاو ئەوە تەقای یووەمیۆ نیازشا بۍ چەتەکا جە زینڎانەکەنە قوتار کەرا و پی جۆرە جموجوڵەکێشا جە بەروو زینڎانەکانە ئاسانتەر بۆ. هجومېوە ئاسایی نەبۍ. دەوڵەتوو تورکی، داعش و هێزە میان نەتەوەییەکۍ چەمەڕۍ نەبێنۍ کە هێزەکێما چی ئاستەنە جوابشا بڎاوە ".
گوڵبەهارە جە دمادمایی قسەکاشەنە ئەرەیاۋناش کە جە روو تاکتیکی سەروازییوە شارەزایی هەن و جە روو ئاماڎەکاری پەروەردەی و مژارە سیاسی و سەروازییەکاوە بە تەمامەتی باوەڕما بە ۋێمانە. بە قوربانیدایۍ فرە هجومەکەو سەروو خوێرانیما ماڕا، حەرپۊکەی گرڎوو هجومەکا تەریچ ماڕمۍ".
