دماو ئەرەیاۋنای سزاو ٣ ساڵا و ٩ مانگا زینانی سەرو عەبدوڵا زێدانیرە، هامسەرۆکو شارەوانی وانی، گلېرۊبیەیۍ ناڕەزایش ۋەردەمو بیناو شارەوانی وانینە لواڕاوە. گەل ۋەردەمو بیناو شارەوانینە ئامادۍ بێنۍ و ئەنجومەنو شارەوانی بە سەرۆکایەتی نەسلیهان شەدالۍ گلېرۊبیەیێش ئەنجامدا. ئەنداماو پارتو داد و گەشەپنەدای جە گلېرۊبیەکەینە ئاماڎۍ نەبێنۍ.

نەسلیهان شەدالە جە سەرەتاو کۊبیەیۆکەینە قسێش کەردۍ و سەرەڕاو ئاماژەدای بە کردەوەکا ئاکەپەی جە پاشێلکەردەی دەستوور و نکۆڵی کەردەی جە ئیرادەو گەلوو کوردی، ئەرەیاۋناش ئی سیاسەتۍ دۊڵەتی بیێنۍ بە نەریتێوە، ئی ئاوەزیەتە شکس مارۆ و واتش: "ئاکەپە ئیرادەو گەلی پاشێل مکەرۆ، سیاسەتو ساختەکاریش گېرتەن ۋەر، هەرپاسە هەوڵمڎا پرۆسەکەی شێونانە."

نەسلیهان شەدالە جە دما دمایی قسەکاشەنە ئەرەیاۋناش: ئێمە ڕا بە سیاسەتو ساختەکاری و تاوانبار کەردەی نمەڎەیمۍ جە ڕاو دادگایۆ دەس سەرو ئیرادەیمارە بگێرا. گەلوو وانی ڕاتا پنەنمەڎۆ ئێمەیچ مڎرامان مکەرمۍ و شارەکەیما پارېزنمۍ."

دماو دمایی ئامای گلېرۊبیەکەی، ئەنداماو ئەنجومەنو شارەوانی جە ۋەردەمو بیناو شارەوانینە بەشدارۍ ۋێنیشانداکەی بیۍ.