هاموڵاتیۍ عه‌ره‌بۍ پۍ ئازاڎیی ڕابەرو گه‌لوو كورڎی ڕاپیمایشا کەرڎ
به سەرمەشقی ئه‌نجومه‌نو گه‌لی مەنتیقە عه‌ره‌ب نشینه‌كۍ شه‌نگالی، پەی ئازاڎیی جه‌سته‌یی ڕابه‌رو گه‌لوو كورڎی، عه‌بدوڵا ئۆجالانی ڕاپیمایېشا ئه‌نجامدا.
وېرەگاو هېزی هاموڵاتیۍ عه‌ره‌بۍ جە شه‌نگال، پۍ ئازاڎیی جه‌سته‌یی ڕابه‌رو گه‌لوو كورڎی، عه‌بدوڵا ئۆجالانی ڕاپیمایۍ جه‌ماوه‌ریشا ئه‌نجامدا. جە ڕاپیماکەینە به سەرمەشقی ئه‌نجومه‌نو گه‌لی سه‌ڎان كه‌سۍ به‌شڎارۍ بیۍ.
ڕاپیماکەی به دروشمەو "به سیستمو نه‌ته‌وه‌یی دیموكراتیكی، گۆشه‌گیری ئیمراڵی ماڕمۍ" جە دەگاو خه‌له‌فی ده‌سش پنەکەرڎ و حەتا دەگاو بارۍ ۋه‌رده‌وام بۍ. جە ڕاپیماکەینە به‌شڎاربیەکۍ پۆسته‌رۍ ڕابه‌رو گه‌لوو كورڎی، عه‌بدوڵا ئۆجالانیشا هۊرگېرتېبێنۍ.
جە دەگاو بارۍ ئەرەیاۋنېوە ۋنیاوە، كه چنەشەنە ئامان، "به‌نامۍ هاموڵاتیا عه‌ره‌بی و ئەرەنیشتۍ شه‌نگالیۊ، گۆشه‌گیری سه‌رو ڕابه‌ر ئۆجالانی شه‌رمه‌زار کەرمۍ. ئا ناداڎیەی ۋەران ۋەر بە ڕابه‌ر ئۆجالانی کریۊ به پاو یاسا میان نه‌ته‌وه‌ییه‌كا تاوانەنە. پێۋیسا ئازاڎیی ڕابه‌ر ئۆجالانی مسۆگه‌ر کەرمۍ. حەر پېسە ڕابه‌ر ئاپۆ ماچۊ: "جەهان باخچېوەن، ئی باخچه ته‌نیا به گوڵێوە مەگەشیۊوە"، ئا ئی په‌یامەیە مڎۊ، ئه‌گه‌ر پېوەرە ژیای گرڎوو گه‌لا نه‌بۊ، جەهان شۊنۍ گه‌ش و گونجیا مەبۊ پۍ ژیای.
هـ . ش
