جەنگاوەرا حەقی کارەری تەڤگەرو شۆڕشو یۆبیەی گەلا (هەبەدەهە)ی ئەرەیاوناشا، تا چۆکدایرەی بە دەسەڵاتداری فاشیستی بەردەوامێ بیمێ جە  چالاکییەکاما  و پێوەس بە چالاکییاکاشا ئی زانیاریەشا وەڵاکەردۆ:

"٢٥ نۆوەمبەری جە چەلەک تەپە و ئەستەنبوڵی، ئێرشا جە گەراجێوە فاشیستا وەردا و ٢ ترۆمبێلێ زەرەرشا وەرکەوت.

٢٦و نۆوەمبەری جە فاتیح تەپەو ئەستەنبوڵی ئێرشا جە کۆگێوە نەوەشخانەو فێرکاری و ئەوەکۊڵیای ساماتی وەردا  و  گردو کەلوپەلەکەیش سۆت.

٢٦و نۆوەمبەری ئێر جە کۆگاو بازاڕو کارفوری جە بەیۆئۆغلوو ئەستەنبوڵی وەردریا.

٢٧و نۆوەمبەری جە بورسا ئێروەردریا جە ترۆبێلێ کورشات چەلیکی ڕاوەبەرو مەنتیقەو عوسمان غازو پارتی فاشیستو ئاکەپەی."

جە ئەرەیاوناکەینە ئاماژە پانەیەدریان تا دمای ئاردەی بە ئەرەگیرکارییەکا و ئەرەکۆشای بەردەوامێ با جە چالاکی حەقکەردەیۆ.

'مشۆم خاوەنداری زیاتەر جە گەریلای کریۆ'

هەر جە ئەرەیاوناکەینە باس جە ئەرەکۆشای بەردەوامو گەریلای کریان و پەیامو پەشتوانیکەردەی جە ئەرەکۆشای گەریلای دریان و ئەرەیاونا: "مشۆم گرد شۆڕشگێڵێ زیاتەر خاوەنداری جە گەریلای کەرۆ. تا بەتەمامەتی دەسەڵاتدارو فاشیستی کنۆ سەرچۆکی، بە ڕوحو شۆڕشو یۆگێرتەی گرد یاگێ کەرمێ بەمەیڏانو چالاکی."