هه‌په‌گه شناسنامەو ئا گه‌ریلایشە ئاشكرا كەرد، كه جە گارزاننە گەشمەرڎە بی
هه‌په‌گه شناسنامەو ئا گه‌ریلایشە ئاشكرا كەرد، كه جە گارزاننە گەشمەرڎە بی و ئەرەیاوناش، "مدرامانوو ٢٦ ڕۊو ئەخیروو ئاڎی، یۊن جە گیانبازییه هه‌ره گه‌وره‌كاو دلۍ تاریخی ".
ناوه‌ندوو ئەرەیاونای و چاپه‌مه‌نیی هه‌په‌گه‌ی باره‌و ئا گه‌ریلایۊ جە گارزاننە گەشمەرڎە بی، ئەرەیاوناێوەش ئەرەیاونا، ئینەنە:
"سوپای گیرەو توركی، ئەوەڵوو مانگەو ته‌مووزیوە مەیڎانووهیزانینە گارزاننە ئۊپه‌راسیۊنێوەش ده‌س پەنە کەرد. ئۊپه‌راسیۊنه‌کەنە هه‌زاران سه‌روازۍ و كۊنترۍ، ته‌كنه‌لۊژیای وه‌رده‌س، فڕۊكه‌ی جەنگی و هه‌لیكۊپته‌ر و سەیارەی زرەپۊشش به‌كار ئارد و ڕوانە مەیڎانوو هیزانیش بۊردومان كەرد. جە ده‌یان دەگایانە قه‌ده‌غه‌و هاموشۊیش ئەرەیاونا بە تەرسی و تۊقایۍ فرەوە هه‌ر بوونه‌وه‌رێوەش دیۍ بۊردومانش کەرۍ. هجوومەکاو سوپاو توركی كه پەی ماوه‌و مانگێوە بێوچان جە گارزاننە کریۍ، جارێوە تەر به‌رش وست، كه دوژمن چ‌نده جە گه‌ریلاكاو ئازادیی كوردستانی تەرسۊ.
گرووپێوە جە هامڕایاما نزیكه‌و مانگێوە وەراوەروو هجوومی و ئۊپه‌راسیۊنه‌كاو دوژمنینە وێگێرییشا کەرد و سه‌رباروو ئانەیە چند جارێوە وەراوەروو سوپاو توركینە گژیۍ، گردوو هجوومەکاشا پووچه‌ڵۍ کەرڎێوە. هامڕاما ڕێدوور چا قۊناغه‌نە جەنگێوەنە دژوو دوژمنینە بریندار بی. وەلێم به پاگێرتەیرێوە فرەوە كۊشیا، هه‌رگیز سڵش نه‌كەرڎۊ و جە دمایین جەنگنە دژوو دوژمنی قاره‌مانانه وێگێرییش كەرد. دوژمنی تەرس‌نۊك نەتاواش وەراوەروو گه‌ریلاینە جەنگی ده‌سه‌ویه‌خه کەرۊ. پەوکای بە بۊردومانی قورسوو دوژمنی، هامڕاما ڕێدوور ڕۊو ٢٧ ته‌مووزی گەشمەرڎە بی.
گردوو ژیوای كۊشیای هامڕا ڕێدووری و مدرامانوو ٢٦ ڕوەو ئاخروو ئاڎی یۊن چا گیانبازییه هه‌ره گه‌وراو دلۍ تاریخی، سه‌رباروو ئانەیە ده‌وڵه‌توو توركی به هه‌زاران سه‌روازۍ، ده‌یان فڕۊكۍ جەنگی، هه‌لیكۊپته‌رۍ و سەیارۍ زرەپۊشۍ هجوومش كەرد، وەلۍ بۊنەو ئا یارای و ئازایه‌تییه‌یشۊ هامڕا قاره‌مانه‌كێما داشا وەر، مرامانەکەشا لوا تاریخۊ. گه‌له‌كه‌ما هه‌رگیز ئی قاره‌ماناشە وێڕی مەشاوە، كه مدرامانێوە فرە مانادار و به‌نرخشا کەرد. دایمە ئی جه‌نگاوه‌ره گیانبازۍ، كه لوۍ دڵوو خەڵکی وەڵاتپارێزنوو كوردستانیوە، یادمانە مەناوە.
زانیاری باره‌و شناسنامەو هامڕا ڕێدوور سیسه‌رێوە پێسنەن:
شناسنامێ: ڕێدوور سیسه‌ر
نامۍ و دمانامێ: گوڤه‌ن ئۊزجان
یاگۍ پەیڎابییەی: به‌دلیس
نامۍ ئەدۍ و تاتەی: گوڵحه‌یات-سه‌بری
وەخت و شۊنەو گەشمەرڎەبییەی: ٢٧ ته‌مووزوو ٢٠٢٣/ گارزان
س.ز
