هه‌په‌گه یاڎوو گەشمەرڎە چه‌كدار شۊڕشیش به‌رز ئرمانا
هه‌په‌گه یاڎوو چه‌كدار شۊڕشیش کەرڎۊ، كه ساڵەو ٢٠٢٠ بۊتاننە گەشمەرڎە بی و ئەرەیاوناش، "بی به قاره‌مانێوە، كه دلۍ ڕیزه‌كاو گه‌ریلاینە هه‌میشه سه‌روو خەتەو قاره‌مانێتیوە لوۍ”.
ناوه‌ندوو ئەرەیاونای و چاپه‌مه‌نیی هه‌په‌گه‌ی جە ئەرەیاوناێوەنە یاڎوو گەشمەرڎەی فه‌رمانده، چه‌كدار شۊڕشییش به‌رز ئرمانا.
ئەرەیاوناکەی:
"یۊ جە فه‌رمانده سەرمەشقە‌كاو گه‌ریلاكاو ئازادیی كوردستانی، هامڕا چه‌كدار شۊڕش، مانگەو ته‌مووزوو ٢٠٢٠ جە بۊتاننە گەشمەرڎە بی. هامڕاما چه‌كدار كه دلۍ ١٤ ساڵا گه‌ریلایه‌تیی وێشنە مۊرەش نیا سه‌ركه‌وتەیه گه‌وره‌كاوە و فرەو مەیڎانەکاو وەڵاتینە کۊشیا. یۊبۍ جە جه‌نگاوه‌رە نموونه‌ییە فه‌لسه‌فه‌ییە ئاپۊییەکا. به كه‌سایه‌تیێوە كۊشه‌ر و ژیواێوە ده‌روێش ئاسا پەی ئازادیی گه‌له‌كه‌یما یەک دننە نەمردا. خه‌باتش كەرد و بی به یۊ جە فه‌رمانده سەرمەشقەکاو گه‌ریلایه‌تیی مۊدێرنیته‌ی دیموكراتیكی. هامڕاما چه‌كدار جە قه‌ڵاڕه‌ش ده‌سش به گه‌ریلایه‌تی كەرد و جە لووتەکاو زاگرۊسینە تا ده‌شته به‌هه‌شتئاسایەکاو بۊتانی بێوچان گه‌ریلایه‌تییش كەرد، به وزێوە دماییناماوە، داواو ئازادیی دلۍ دڵیشنە گرد وەختۍ قەوەتتەرە کەرڎە و پاسە كۊشیا. بی بە قاره‌مانێوە كه دلۍ خه‌ڵكوو مەنتیقەو کەشینە، عه‌شیره‌توو خه‌لیلانینە ورکەوت، دلۍ ڕیزەکاو گه‌ریلاینە دایمە سه‌روو خەتەو قاره‌مانێتیوە لوۍ.
پا وەشەسیایە فرەوە کە پەی ئازادیی بێش. به گێڵای شۊنەو ڕاسییرە، هامڕاما چه‌كدار شۊڕش بی بە فه‌رماندێوە ئازا و یارا. جە ساڵیاڎوو گەشمەرڎەبییەیشنە به ڕێز و پەنەزانایۊ یاڎش کەرمێوە. سه‌ره‌وەشییما ئاراسته‌و بنه‌یانەی به‌ڕێزیش، خه‌ڵكی وەڵاتپارێزنوو مەنتێقەو شاخی، عه‌شیره‌توو خه‌لیلانی و گه‌لی وەڵاتپارێزنوو كوردستانی کەرمۍ. قەرار مدەیمۍ پەی به‌رزئرمانای یاڎوو گەشمەرداما، كۊشیایشا بیاونمۍ سه‌ركه‌وتەی.
زانیاری باره‌و شناسنامه‌و هامڕاما چه‌كدار شۊڕشی پێسنەن:
شناسنامێ: چه‌كدار شۊڕش
نامۍ دمانامی: هاڕون ئیتاح
یاگۍ پەیڎابییەی: وان
ئەڎا- تاتە: حه‌لیمه-سه‌یفه‌دین
وەخت و شۊنەو گەشمەرڎەبییەی: ته‌مووزوو ٢٠٢٠/ بۊتان
س.ز
