هه‌په‌گه ئشناسنامە‌و ٣ گەشمەرڎاش ئاشكرا كەرد، كه جە مانگه‌كاو حوزه‌یرانی و ته‌مووزوو ئێساڵینە جە هه‌رێمه‌كاو پارێزنای مێدیاینە گەشمەرڎۍ بیۍ و سه‌رەوەشییش ئاڕاسته‌و بنه‌یانەو ئا گەشمەرڎا و گه‌لی وەڵاتپارێزنوو كورڎسانی كەرد.
ناوه‌ندوو ئەرەیاونای و چاپه‌مه‌نیی هه‌په‌گه‌ی، باره‌و یەرۍ گه‌ریلایاوە، كه ئێساڵ هه‌رێمه‌كاو پارێزنای مێدیاینە گەشمەرڎۍ بیۍ، ئەرەیاوناێوەش وەڵا كەرڎۊ.
ئەرەیاوناکەی پێسنەن:
" دژوو هجوومە‌كا سوپاو توركی ئەرەگیری، كۊشیایما سه‌رانسه‌روو كورڎسانینە و به‌تایبه‌تی هه‌رێمه‌كاو پارێزنای مێدیانە بێوچان به‌رده‌واما. گه‌ریلاكاو ئازادیی كورڎسانی هجوومەکاو دوژمنی پەی سه‌روو هه‌رێمه‌كاو پارێزنای مێدیای، به مدرامان سه‌روو خەتەو گیانبازیوە ماڕێنێشا و قوربانیۍ فرێشا دێنۍ و پا سەروو مدرامانەکەیشاوە گێرارە و هه‌وڵۍ مڎا وەعدەکاشا باره‌و تاجداركەرڎەی كۊشیای شكۊمه‌ندانەو گه‌لیوە، به سه‌ركه‌وتەی بەرا سه‌ر. چی كۊشیایە ئه‌فسانه‌یه‌نە به قاره‌مانێتیی گه‌وره، ئه‌ڤێستا تێكۊشینە جە مانگەو حوزه‌یرانوو ساڵی ٢٠٢٣ هامڕێما باو‌ڕ ئارین و زنار سه‌رێچیا جە مانگەو ته‌مووزوو ٢٠٢٣ گەشمەرڎۍ بیێ.
سه‌رەوەشیما ئاڕاسته‌و بنه‌یانەو ئاڤێستا، باوه‌ر و زنار، كه فرە پابه‌ندۍ ڕەفاقەتی بێنۍ و به‌بۍ تەرس كۊشیۍ و گەشمەرڎۍ بیۍ و گه‌لی وەڵاتپارێزنوو كورڎسانی کەرمێ.
زانیاری باره‌و ئشناسنامە‌و هامڕا گەشمەرڎه‌كاما پێسنەن:
ئشناسنامێ: ئاڤێستا تێكۊشین
نامۍ و دمانامێ: مزگین ئاشكارا
یاگۍ پەیدابییەی: سێرت
نامۍ ئەڎێ- تاتەی: ئامینۍ – بەشیر
وەخت و شۊنەو گەشمەرڎەبییەی: حوزەیرانوو ٢٠٢٣/ هه‌رێمه‌كاو پارێزنای مێدیای
ئشناسنامێ: باوەر ئارین
نامۍ و دمانامێ: مەسعود دەمیرکان
یاگۍ پەیدابییەی: وان
نامۍ ئەڎێ- تاتەی: په‌رو-سادق
وەخت و شۊنەو گەشمەرڎەبییەی: تەمووزی ٢٠٢٣/ هه‌رێمه‌كاو پارێزنای مێدیای
ئشناسنامێ: زنار سه‌رێچیا
نامۍ و دمانامێ: محه‌مه‌د عەبدولخانی
یاگۍ پەیدابییەی: حەسه‌كه
نامۍ ئەڎێ- تاتەی: حه‌نا-عبدولخانی
وەخت و شۊنەو گەشمەرڎەبییەی: تەمووزوو ٢٠٢٣/ هه‌رێمه‌كاو پارێزنای مێدیای
س.ز
