کورڎسانیۍ و دۊسەکېشا جە مېڎانو ئالکساندرپلاتزی کە یۊن جە شلۊقتەرین مېڎانەکا بەرلینو پایتەختو ئەڵمانیای کۊبیېۋە و هجومەکۍ دەوڵەتو تورکیشا پۍ سەرو ۋەرنیشتوو کورڎسانی شەرمەسار کەرڎۍ.

ئەنڎاما ئەنجومەنو ژەنا دەست-دانی، ئەنجومەنو ناڤ-بەرلینی و ئاتیکی بەشڎاریشا چا چالاکییەنە کەرڎەبۍ کە بە سەرمەشق بیەو پەیەدەی جە بەرلین سازکریابۍ. هامسەرۆکو ئەنجومەنو ناڤ-بەرلینی حسێن یڵماز جە چالاکییەکەنە ۋاتش: "جە دژوو گەلا ۋەرنیشتی گرڎ ڕوۍ هجوم ئەنجام مڎریۊ. ئێمە قبوڵش مەکەرمۍ کە دۊڵەتە ئەوروپیەکۍ جە وەران ۋەرو ئا هجومانە بێدەنگۍ با. سڵام چا گەلا کەرمۍ کە وەران ۋەر بە هجومەکا دەوڵەتو تورکی پۍ سەرو سەرنیشتوو ۋەرکەوتوو سوریای ۋېڕاگری مکەرا. مشۊم گرڎو جەهانی بزانۊ کە گەلوو کورڎی بە پتەوکەرڎەی ۋېپارېزنایش، درێژە بە مدرامانی مڎۊ.

چالاکییەکە بە دروشمەو 'بژیۋۊ مدرامانو ۋەرنیشتی' دمایش پنە ئاما.

هـ . ش