هجومەکۍ سەروو ۋەرنیشتی جە شتوتگارت و فرانکفۆرتەنە شەرمەزار کریۍ
جە شتوتگارت و فرانکفۆرتوو ئەڵمانیاینە هجومەکۍ دەوڵەتوو تورکی ئەرەگیری پۍ سەروو سەرنیشت و ۋەرکەوتوو سوریای و گۆشەگیری سەروو رابەروو گەلوو کوردی عەبدوڵا ئۆجالانی شەرمەزار کریۍ.
پەی شەرمەزارکەردەی هجومەکا دەوڵەتوو تورکی ئەرەگیری پۍ سەروو سەرنیشت و ۋەرکەوتوو سوریای و حەرپاسە گۆشەگیری دژواروو سەروو رابەروو گەلوو کوردی عەبدوڵا ئۆجالانی جە شارەکا شتوتگارتی و فرانکفۆرت و ئەڵمانیاینە چالاکی ناڕەزایەتیۍ لوۍ ڕاوە.
شتوتگارت
شتوتگارتەنە جە چوارچێوەو کەمپینوو "١٠٠ هەزار نامانە" کە پەی رابەروو گەلوو کوردی عەبدوڵا ئۆجالانی دەسشپنەکریان، نامە پۍ زینڎانا ئیمڕاڵی کیانیا.
دماتەر کوردسانیا و دۊسەکېشا پەی سەرمەزارکەردەی هجومە ئەرەگیریەکا دەوڵەتوو تورکی پۍ سەروو سەرنیشت و ۋەرکەوتوو سوریای جە مېڎانوو کۆبانێ کوۍ بیێوە و بە زۋانەکا کوردی و ئەڵمانی ئەرەیاۋنێشا وەنێوە.
فرانکفۆرت
شاروو فرانکفۆرتیەنە سەروو داواو دەموودەس و جمیەروو گەنجا شۆڕگێڵنی (تەجەشە)ی و جمیەروو ژەنا گەنجی تێکۆشەری (تەکۆژن) بە سەڎان گەنجۍ مجیێرە مېڎانەکا و هجومەکۍ دەوڵەتوو تورکی پۍ سەروو سەرنیشت و ۋەرکەوتوو سوریایشا شەرمەزار کەردۍ.
جە چالاکیەکەنە گەنجەکۍ بێ مردای دروشمەکا "بژیۋۆ سەرۆک ئاپۆ"، "بژیۋۆ مدرامانوو ۋەرنیشتی " و "بژیۋۆ مدرامانوو گەریلا"یشا واتێوە.
هەر جە چالاکیەکەنە بە زۋانی ئەڵمانی دروشمەو "ئەڵمانیا پەشتیوانی دارایی پێشکەش کەرۆ و دەوڵەتوو تورکی بۆردومان کەرۆ" وچیاوە و ئانەیچ وزیا ڕووە کە بێدەنگی ۋەران ۋەر بە هجومەکا هامکاریین پۍ ئەرەگیرا.
