هجوومێوە درۊنی ناوەندوو کەلارینە ڕووەش دا
قەزاو کەلاروو ناوەندوو ئیدارو گەرمیانوو پانیشتوو کورڎسانینە، بە فڕۊکەی بێفڕۊکەوان بۊردومانوو یانێوە کریا.
بە پاو زانیارییەکا ئارۊ سەعات ٢ی دمانیمەڕۊی بە وەختوو دلێ؛ تەقایۊیۍ قەزاو کەلارینە بی، بەپاو قسۍ شایەتەکا تەقایۊکەی ئەنجاموو بۊردومانوو درۊنوو دەوڵەتی ئەرەگیروو تورکیوە بیەن.
تا ئیساتۍ حیچ ڕۊشن نەکریانۊ، کە ئایا زەرەی گیانی هەن یا نا، ئەرەیاوناێوە ڕسمی چا بارەوە وەڵا نەکریانۊ.
بە پاو زانیارییەکاو ئاژانسوو ڕۊژ نیوزی؛ هێزە ئەمنییەکۍ خەریکۍ ئەوەکۊڵیاینێ.
ئی هجوومە ڕوۍ دماو هجوومەکاو سەروو شەنگالی و سلێمانی ڕووەش دا.
