مەجلیسو  بنەیانەو گەشمەردا حەلەبی پەی گەریلاو هەپەگەی گەشمەردە مەروان زروان (ئەحمەد ئیبراهیم ئەحمەد) جە مێدانوو گەشمەردانە جە گەڕەکەو شێخ مەقسوودی حەلەبینە مەراسیمێوە غیابیش ڕێک وست، ئەرەنیشتێ  و ئەنداما ڕێکوزیاییەکا و پارت و هێزە سەروازییەکا بەشدارێ مەراسیمەکەی بێنێ.

مەراسیمێوە سەروازی جەلایەن و یەپەگە-یەپەژەیۆ ئەنجامدریا، جە فەرماندەکاو یەپەگەی، فەرهاد کۆبانێ باسو کەسایەتی گەشمەردە مەروانیش کەرد و ئەرەیاوناش بە ئیرادەو وێش لوان ڕیزەکا گەریلایۆ، چونکی هجوومەکێ دەوڵەتو ئەرەگیرو تورکیش پەی سەرو کوردسانی پنە قبووڵ نەکریێ و ەەرپرسیاریەتی پارێزناوکوردسانیش گێرت ئەستۆو وێش.

فەرهاد کۆبانێ قەولشدا خاوەنداری جە چەکو گەشمەردە مەروانی کەرا و تۆڵەش کەراوە و پلانەو ئەرەگیرا پووچ کەراوە.

ئەندامەو ڕاوەبەرەو نووسینگەو ژەنا مەجلیسو بنەیانەو گەشمەردا ڕەمزیە ساڵحە ئەرەیاوناش جەسایەو فیداکاری گەشمەردانە یاوێنی بە دەسکەوتەکاشا.

سەرو نامێ بنەیانەو گەشمەردەی ، پارێزنەر عەلادین خالد کالۆ ئەرەیاوناش بەردەوامێ با جە کۆشیای و پەی ئازادی و ڕزگاری کوردسانی گەشمەردێ بەخشا.

دماتەر ئشناسنامەو گەشمەردەی ونیاوە و ڕادەسوو بنەیانەکەیش کریا.