ناوەندو ئەرەیاۋنای و چاپەمەنی هەپەگەی سەبارەت بە گەشمەرڎەبیەو ٣ گەریلایا گەشمەرڎەی ئەرەیاۋنێوەش وەڵاکەرڎۆ، دەقو ئەرەیاۋناکەی ئینەن:

"بە ڕێزو حورمەتۆ هەڤاڵاما ڕزگار، هۆگر و سەرحەدی یاڎ مارمێوە"

هەڤاڵاما ڕزگار، هۆگری و سەرحەدی کە جە هرووژمو دژمنینە پەی سەرو هەرێمەکاو پارێزنای مەدیای جە ٢٢ ئادارو ٢٠١٨ینە گەشمەرڎۍ بیۍ بە حورمەتۆ یاڎشا مارمێوە و قەولو خاوەنداری جە مەرامەکاشا واوەی مکەرمێوە.

 

هەڤاڵاما ڕزگار، هۆگر و سەرحەد بەعالی هەستشا بە هرووژمە کۆمکوژییەکا پەی سەرو گەلەکەیما کەردەبۍ و پېسە گرڎ جوانێوە بەشەرەفو کوردی چا باوەڕەنە بێنۍ کە مشۆم بەشدارۍ ئەرەکۆشای با و کاتش ئامان، ئاڎۍ بە پاگیری و ئیرادەی سەرکەوتەیۍ گۆرۆ بێ دووەدڵیی بەشداری ڕیزەکاو گەریلای بیۍ. هەڤاڵاما ڕزگار، هۆگر و سەرحەد چانەی یاوێنە کە گەریلابیەی کەسایەتی و پێگێوە فیداکار، کۆششکار و بە ئیراڎەش گەرەکا. جە هەمان کاتەنە، جە کەسایەتی ۋێشانە، نوێنەرایەتی ئی تایبەتمەندییاو جەنگاوەری ئاپۆیی مکەرا. پېسە جەنگاوەری ئاپۆیی کاتێ پەنەوازی وەش بی هەڤاڵاما ڕزگار، هۆگر، سەرحەد پەو پەڕو ئیراڎەیۆ جە دژو دژمنی جەنگشا کەرد و جە سەختتەرین سەردەمەکا جەنگینە بەبێ دووەدڵی سەرەمڕە پېوەسۍ بەهاکاو ئازادی بێنۍ. مەرام و وەرمو هەڤاڵاما ئازادی جەسەیی ڕابەر ئاپۆی بۍ و پۊکەی بە شێوێوە فیداییانە جەنگشا کەرد. جە سەیەو میراتو مڎرامانوو ۋێشاوە کە بە گەشمەرڎةبیەیشا خوڵقناشا، بیۍ بە شۆڵەچراوەو ئەرەکۊشای ئازادیما کە ئارۆ ئینا قولەپۆپەنە.

پېسە هەڤاڵاو ئاڎیشا جارێوەتەر قەول مڎەیمۍ ڕێبازو هەڤاڵا کۆششکاریما ڕزگار، هۆگری و سەرحەدی پارێزنمۍ و درێژەش پنە مڎەیمۍ، سەرەتا سەرەوەشی ۋێما ئاراسەو بنەیانەو قارەمانا و گرڎو گەلی وڵاتپارێزنو کوردەسانی مکەرمۍ.

ئشناسنامەو هەڤاڵە گەشمەرڎەکاما پی جۆرەنە:

ناسنامۍ / ڕزگار باگۆک

نامۍ و دما نامۍ / یاڤوز سەلیم ئولوچ

شۊنەماو جە ئەڎابیەی / مێردین

نامۍ ئەڎۍ و نامۍ تاتەی / شەیها - فەرحان

شۆنەماو کاتوو گەشمەرڎەبیەی /٢٢ۍ ئادارو ٢٠١٨/ هەرێمەکاو پارێزنای مەدیای

*****

ناسنامۍ / هۆگر هۆزان

نامۍ و دما نامۍ / فەرهاد تەکین

شۊنەماو جە ئەڎابیەی / جولەمێرگ

نامۍ ئەڎۍ و نامۍ تاتەی / جانێ - شەفیق

شۆنەماو کاتوو گەشمەرڎەبیەی /٢٢ۍ ئادارو ٢٠١٨/ هەرێمەکاو پارێزنای مەدیای

*****

ناسنامۍ / سەرحەد ئۆزاڵپ

نامۍ و دما نامۍ / ئۆندەر گەچەر

شۊنەماو جە ئەڎابیەی / وان

نامۍ ئەڎۍ و نامۍ تاتەی / سلیمە - محەمەد ساڵح

شۆنەماو کاتوو گەشمەرڎەبیەی /٢٢ۍ ئادارو ٢٠١٨/ هەرێمەکاو پارێزنای مەدیای