هەپەگە ئشناسنامەو ٢ گەریلایاش ئاشکرا کەرد، کە جە ئۆپراسیۆنی شۆڕشگێڵنی گەشمەرڎە هەڵمەت دێرەلوکینە گەشمەرڎۍ بیۍ و ئەرەیاۋناش، "بە بۍ دوو دڵی جەنگشا کەرد، بە قارەمانێتی گەشمەرڎۍ بیۍ و پۍ گەلەکەیما بیۍ بە سەرچەمەو شکۆ و فەخری".
ناوەنڎوو ئەرەیاۋنای و چاپەمەنی هەپەگەی سەبارەڎ بە گەشمەرڎا ئۆپراسیۆنوو شۆڕشگێڵنی گەشمەرڎە هەڵمەت دێرەلوکی ئەرەیاۋنێوە پی جۆرەشە وەڵاکەردۆ:
"جە ئەرەیاۋناو ١٤/١/ ٢٠٢٤ینە ئاشکراما کەرد کە جە ئۆپراسیۆنوو شۆڕشگێڵنی گەشمەرڎە هەڵمەت دێرەلوکینە هامڕێما سەرخۆبوون و رزگار بە گیانی فیدایی ئاپۆیی و ئازایەتی بەرزۆ بەشدارۍ بێنۍ، یاوێنۍ بە گەشمەرڎەبیەی. ئەرەیاۋنابێما، کە زانیاری ۋەرفراوان سەروو ئشناسنامەو گەشمەرڎاما پۍ گەلەکەیما و رای گرڎیی ئەرەیاۋنمۍ.
هامڕایا تێکۆشەریی ئاپۆییما کە بە پڕۆفیشناڵی، شێوازوو گیانبازی و قارەمانیەتی بەرزوو ۋێشا بەشدارییشا جە هەڵمەتەو شۆڕشگێڵنیی گەشمەرڎە هەڵمەت دێرەلوکینە کەردەبۍ، بە مدرامانوو وێشا خەتەو کۆشیای ساڵەو ٢٠٢٤یشا نەخشنا. هامڕێما سەرخۆبوون و رزگار کە شۆنکۆتێ خەتەو کۆشیای سارۍ، روکەنۍ، رۆژهاتی، ئەرداڵی و بە دەیان هامڕۍ گیانبازیما، کە بە رێبازوو گەریلاکا سەردەمی تازەی و بە رەنجێوە گرانبەها خولقنابێشا، نامۍ ۋێشا جە وەڵینگەو گەلەکەیمانە نویستۆ. هامڕێما سەرخۆبوون و رزگار کە بە پراتیکی سەرکۆتانەو ۋێشا سەلەمناشا کە ژیۋای و پێودانگەکا ئاپۆیی، دیسپلینی سەروازی، جدیەتوو شۆڕشگێڵنی، پاگیری، قورسایی گیانبازی و چڕکەردەیۆ سەرنجی سەروو ئامانجی کرێڵوو سەرکۆتەیا، قورستەرین گورزەشا جە دوژمنی شانا.
بنەیانەی بەقیمەتوو جەنگاوەرا فیدایی سەرمەشقی پێسە هامڕایاما سەرخۆبوونی و رزگاری و گەلی وڵاتپارێزوو کوردسانی متاوا بە رۆڵە قارەمانەکاشاوە سەربەرزۍ با. ۋەروو ئانەی بە کۆشیای گیانبازانەو ۋێشا و بە بێ دوودڵی و بە بەدەسئاردەی شەهادەتی قارەمانانەی پۍ ئانەی گەلەکەما جە وڵاتێوە ئازاڎەنە بژیۋۆ، بیۍ مایەو فەخری و سەربەزی پۍ گەلەکەیما. پێسە هامڕایاشا سەرەوەشی جە تەماموو گەلی وڵاتپارێزوو کوردسانی و بە تایبەتی بنەیانەو بەقیمەتوو هامڕایاما سەرخۆبوونی و رزگاری کەرمۍ. ئێمە وەعد مڎەیمۍ کە ڕاپیمای ڕابەرایەتی ئازاڎیی، کوردسانی ئازاڎیی هامڕایاما سەرخۆبوون و رزگاری جە گرد وەختۍ زیاتەر بە ویست و پاگیریوە درێژە پنە مڎەیمۍ.
زانیاری سەروو ئشناسنامەو هامڕایاما پی جۆرەنە:
ناسنامۍ / سەرخۆبوون سەرحەد
نامۍ و دمانامۍ / سەفا ئاڵتونای
شۊنماو جە ئەڎابیەی / ئاگری
نامۍ ئەڎۍ و نامۍ تاتەی / مەجبورە- محەمەد عەلی
شۊنماو وەختوو گەشمەرڎەبیەی / ١٢/١/٢٠٢٤ / زاپ
*****
ناسنامۍ / رزگار چاوڕەش
نامۍ و دمانامۍ / رۆنیجان حەمۆ
شۊنماو جە ئەڎابیەی / کۆبانێ
نامۍ ئەڎۍ و نامۍ تاتەی / حەمیدە - عوسمان
شۊنماو وەختوو گەشمەرڎەبیەی / ١٢/١/٢٠٢٤ / زاپ
