مېیانو ئەرەیاۋنای و چاپەمەنی هەپەگەی (هەپەگە-نەڕەچە) شناسنامەو گەریلۍ ئازادی کوردەسانی، ئارمانج ئازادێش ئاشکرا کەرد کە پېسە فەرماندێوە یەژا ستاری مڎرامانی تاریخیش جە مەڕەو پیردۆغانینە نویستۆ و جە ٢٩و کانوونو یووەمو ٢٠٢٤ینە جە ئاکامو هرووژمو سوپاو تورکینە پەی سەرو هەرێمو زاپی گەشمەرڎۍ بیێنە.

ئەرەیاۋناکەو هەپەگە-نەڕەچەی پی جۊرەنە:

"جە مېڎانوو مڎرامانو کەسو ئامێدیی هەرێمو گەشمەرڎە دەلیلینە جە ۋەرنیشتوو زاپی، فەرماندۍ فیداییەما هەمڕا ئارمانجە جە ٢٩و کانوونو یووەمو ٢٠٢٤ پەوپەڕو قارەمانیەتییوە جە مەڕەو گەشمەرڎە پیردۆغانینە مڎرامانێوە تاریخیش کەرڎ و یاوا بە کارەوانو گەشمەرڎا.

هەمڕا ئارمانجە جە دژو هرووژمەکا سیستەمو سەرمایەداری و دۆڵەتو پیاسالاری کە حیچ ژیۋایۍ ئازادانە پەی ژەنا بەڕەوا نمەوینۆ، بەشدارەو ئەوەکۊشای ئازادی کوردەسانی بیە کە ئامانج و نامونیشانەکەش ژیۋای ئازاد و شکۆدارییا. هەر جە سەرەتاو بەشداربیەیشۆ سەرو هێڵۊو گەشمەرڎا، فیدایەتیش کەرڎ بە بنەماو ۋێش. هەمڕاما ئارمانجە کە بە قارەمانیێوە هێقمۆ پەی فەلسەفەو ئازادی ڕابەر ئاپۆی سەرجە نۆ ۋێش وەشکەردۆ و بیە بە هۊرگیرەو ئەوەکۊشایۍ ئەرەنەبڕیای، بیە بە نوێنەرەو ژەنەی ئازادۍ، ڕێکوستەی و ژیۋایش سەرو هێڵۊو ئازادی وەشکەرڎ.

بە کەسایەتی درووس، ژیرە، زیرەکە، قارەمانە و چالاکە پېسە فەرماندێوە نموونەییەو یەژا ستاری و میلیتانێوە فیداییەو ئاپۆیی بە فیداییۆ بەشدارەو ئەوەکۊشایەکا ئی ساڵا دماییە بیە. پېسە ژەنێوە ئازادەو کوردی بە ئیرادەو ژەنۍ نەبەزیێوە جە کەسایەتی ۋێشەنە بەرش وست، هەم پاسشە کەرڎ مڎرامانش جە مەڕەو گەشمەرڎە پیردۆغانینە بە شکسنەواردەی و هەمیشە پېسە فەرماندێوە هێزە تایبەتەکا نامۍ ۋێش جە تاریخەنە نەخشنۆ.

سەرو ئی بنەمایۍ سەرەوەشی ۋێما جە بنەیانەی قارەمانو هەمڕا ئارمانج ئازادۍ و گەلی وڵاتپارێزنو کوردەسانی مەکەرمۍ، جە ۋەرا ۋەرو یاڎەوەری و سەنگینی گەشمەرڎۍ قارەمانېمانە بە ڕێزو حورمەتۆ سەرە منامنمېرە.

زانیارییەکۍ دەربارەو هەمڕۍ گەشمەرڎېما پی جۊرەنە:

ناسنامۍ / ئارمانج ئازادی

نامۍ و دما نامۍ /شەهریبان ئاڵتورکە

شۊنەماو جە ئەڎابیەی / شڕناخ

نامۍ ئەڎۍ و نامۍ تاتەی / بەسیمە – عەبدوڵا

شۊنەماو کاتو گەشمەرڎەبیەی /٢٩و کانوونو یووەمو ٢٠٢٤ / زاپ."

*****