ئەرەیاونایەکەو ناوەندو ئەرەیاونای و چاپەمەنیی هەپەگەی:

" هامڕێما ڤیان هەڵۆ ٢ێ نیسانو ٢٠٢٤ قەندیلنە گەشمەردێ بییە.

ژەنە ئازێ  و قارەمانەو وەرکەوتو کورڎسانی، میلیتانییەی ئاپۆییە بەنرخە هامڕێما ڤیان هەڵۆ، نموونەو ئا  کەسا بێ، کە وێش پێوەس بە بەها نەتەوەییەکا کەرڎەبێ، کۆشیای گەلەکەیماش گردو کورڎسانینە بە بەشێو جە کۆشیای وێش وینێ. وەرووئینەیە بە ئایدیا و قەرارڎاریێوە گەورەوە دلێ گەریلاینە  وێش سەلەمنا و هەرمانەی تارێخییەو وێش وستە سەروو شانەیش. هامڕێما ڤیانە کە نامەکێش هاممەعنێ مدرامانی و کۆشیای ئازادیی بێ، ئا هەرمانێ کە گنێ سەروو شانەیش، بە سەرکەوتەێوی گەورەوە کەرێش و پی تایبەتمەندییاوە بییە بە یاگی نموونەو گردوو ژەنە گەنجا.

هامڕێما ڤیانە، کە ششناسنامەو میلیتانییەو پاژکیش بە سەربەرزیێوی گەورەوە  ورگێرت و بە شاییستەییوە کەردش، هەمان وەختنە بە هەڵوێستی ڕۆشنش  خەتەو ئازادیی ژەنێنە بییە بە جواب دژو زهنیەتی پیاسالاری.

پیسەو هامڕایاو گەشمەرڎە ڤیانێ، سەرەوەشیی وێما پەی بنەیانەی بەڕێزو گەشمەرڎە ڤیانێ و تەماموو گەلی وەڵاتپارێزنو کورڎسانی و وەرکەوتو کورڎسانی موازمێ. وەعد مدەیمێ بە یادکەرڎەیوە بە بەهایش هامڕا ڤیانێ خەیاڵوو کورڎسانی ئازادینە بە زیندەیی بازمێشەوە.

زانیاری سەروو شناسنامەو هامڕێما ڤیانێ:

شناسنامێ: ڤیان هەڵۆ

نامێ و دمانامێ: ئیلهام ساعدموجیشی

یاگێ پەیدابییەی: کامیاران

نامێ ئەدێ و تاتەی: زوڵەیخا-حوسەین

یاگێ و وەختوو گەشمەرڎەبییەی: ٢١نیسانو ٢٠٢٤/ قەندیل."