مېیانو ئەرەیاۋنای و چاپەمەنی هەپەگەی دەربارەو هرووژمەکا دۊڵەتو ئەرەگیرو تورکی پەی سەرو مېڎانەکا گەریلای ئەرەیاۋنېوەش وەڵاکەرڎۆ، ئەرەیاۋناکەی پی جۆرەنە:

"بەنامۍ گەریلاکاو ئازادیی کوردەسانیوە جەژنەو ڕەمەزانی جە بنەیانەو گەشمەرڎا و گەلی وڵاتپارێزنیما پیرۆزە مکەرمۍ، هیواڎارێنمۍ ئی جەژنۍ بۆ بە مایۍ یۊبیەی و وەشی و پەشتیوانی کۆمەڵایەتی.

سوپاو ئەرەگیرو تورکی، جە ١ و ئاداریوە جە کاتو ئەرەیاۋنای ئایێربەسی جە لایەنو پارتەکەیما (پەکەکە)یۆ، تەمامو مانگۊو ڕەمەزانی بێ مردای هرووژمش کەرڎ سەرو هێزەکاو گەریلایما. هێزەکېما پەی ۋێپارېزنای جوابو هرووژمەکاشا داوە.

زانیاریی زیاتەر دەربارەو هرووژمەکا سوپاو ئەرەگیرو تورکی و جوابو هێزەکاما ۋەرا ۋەر بە هرووژمەکا پی جۆرەنە:

هرووژمەکۍ دۊڵەتو ئەرەگیرو تورکی بە فڕۆکەی جەنگی:

٢٧ و ٢٨ و ٢٩ و ئاداری جە هەرێمو گارەینە، مېڎانەکۍ تەپو زەنگەلی و تەپی کون و  هیرچێ و هەفتەباخی و کانی سەرکێ و دەشتەو کافێ ٧ جارۍ، جە هەرێمو گەشمەرڎە دەلیلی جە ۋەرنیشتوو زاپی، مېڎانوو مڎرامانوو کەشو وەهاری ٤ جارۍ، جە هەرێمو مەتیناینە، مېڎانوو مڎرامانو کەشو بێشلی ١ جار، بەگرڎی ١٢ جارۍ بە فڕۆکەی جەنگی بۊمبوارانۍ کریۍ.

هرووژمەکۍ دۊڵەتو ئەرەگیرو تورکی بە چەکی قورس ؛

٢٨ و ٢٩ ی ئاداری جە هەرێمو خواکوڕکینە، مېڎانەکۍ بەرێ زینێ و سنینێ و کەندەکۆلا و لۆلان ١٢١ جار، جە هەرێمو گارەینە، مېڎانەکۍ تەپو سیسەری و تەپو زەنگلی و دێڕەشە و تەپو کونی و کانی سەرکێ و سێدارێ و مژێ و گرگەشێ ٤٢ جارۍ، جە هەرێمو مەتیناینە مېڎانەکۍ مڎرامانوو سەری مەتینای و بێشیلی و شێلازێ ٤٤ جار، جە هەرێمو گەشمەرڎە دەلیلی جە ۋەرنیشتوو زاپی، مېڎانەکۍ مڎرامانوو کەشو وەهاری و کەشو ئامێدی ٨٦٩ جارۍ، بەگرڎیی ١٠٧٦ جارۍ بە چەکی قورس و تۆپۍ و هاوەنۍ، بۊمبوارانۍ کریێنۍ.

دەسوەردای هێزەکاما ۋەرا ۋەر بە هرووژمەکا؛

٢٧ و ئاداری سەعات ٧:٠٥ دەیەقۍ جە هەرێمو گەشمەرڎە دەلیلی جە ۋەرنیشتوو زاپی بە چەکی نیم ئۆتۆماتیک جوابو  ئەرەگیرا دریاوە ئا کاتەی هرووژم کەرێنۍ سەرو مەڕەکاما جە مېڎانوو مڎرانوو کەشو ئامێدینە.

٢٨ و ئاداری سەعات ١٥:٠٥ دەیەقۍ جە هەرێمو گەشمەرڎە دەلیلی جە ۋەرنیشتوو زاپی بە چەکی نیم ئۆتۆماتیک جوابو  ئەرەگیرا دریاوە ئا کاتەی هرووژم کەرێنۍ سەرو مەڕەکاما جە مېڎانوو مڎرانوو کەشو ئامێدینە.

٢٩ و ئاداری سەعات ١٠:٤٠ دەیەقۍ جە هەرێمو گەشمەرڎە دەلیلی جە ۋەرنیشتوو زاپی، هېزەکۍ یەژاستاریما بە چەکی نیم ئۆتۆماتیک جوابو  ئەرەگیراشا داوە ئا کاتەی هرووژم کەرێنۍ سەرو مەڕەکاما جە مېڎانوو مڎرانوو کەشو ئامێدینە".