هەپەگە: هەڤاڵ زنار و شاهین گەشمەرڎاو نەورۊزینێ

هەپەگە بە ڕێزۊ یادوو ٢ فەرمانداو گەریلایش کەرڎۊ، کە جە ساڵەو ٢٠١٨ینە قەندیلنە گەشمەرڎۍ بیۍ و واتش، " جە پەلامارۍ دوژمنانێنە جە هەرێموو قەندیلینە، هامڕێما گەشمەرڎۍ بیۍ و بیۍ بە گەشمەرڎاو نەورۊزی."

ناوەندوو ئەرەیاونای و چاپەمەنیی هەپەگەی چۍ بارەوە ئەرەیاوناێش وەڵا کەرڎۊ پێسە:

" ٢٢ۍ ئازاروو ٢٠١٨ینە، جە هەرێموو قەندیلینە جە هجوومێوەنە فەرماندە ئازێکێما، هامڕا "زنار" و "شاهین" گەشمەرڎۍ بیۍ. هەردوی فەرماندە ئازێکێما کە ساڵانێوە دوورودرێژ دلۍ کۊشیای ئازاڎیی کورڎستانینە فرەو مەیڎانەکانە خەباتشا کەرد و  دۊخە زەحمەتەکانە بەمیلیتانییانە کۊشیۍ، لە ژیوای شۊڕشگێڵنیی وێشانە، مۊرەو وێش و بوونە میلیتانیا دا جە فرەو سەرکەوتە بێوێنە ئاپۊییا. هامڕێما "زنار" و "شاهین" جە گرڎ ساتێوە ژیوایشانە پەی ئازاڎیی گەلەکەیما ڕەنجێوە فرەشا کێشا و بە بەهاکاشا بیۍ بە کادرێوە وەڵێوەبییەو پارتەکەیمان پەکەکەی. جە سەرنیشتوو کورڎسانیوە تا هەرێمەکاو پارێزنای میدیای، چا تا چوارپارچەو کورڎستانی، کۊشیای، فەلسەفەی ئاپۊییشا گرڎ شۊنێنە دلۍ ژیوای گەلەکەیمانە وەڵا کەرڎۊ، پێسە دەروێشوو هامچەرخوو ژیوای و جە هەرێموو قەندیلینە جە هجوومۍ دوژمنانە گەشمەرڎۍ بیۍ و بیۍ بە گەشمەرڎۍ نەورۊزی.

بنەیانەی گرانقەدروو هامڕایاما "زنار" و "شاهین" ڕۊڵۍ پی گەورەییەیشا پێشکەشوو کۊشیای ئازاڎیی گەلەکەیما کەرڎۍ، پێسە هەرمانەی بەرزەو وەڵاتپارێزنیی وێشا بەیاگۍ ئارد و وێشیا بە ساعیبوو کۊشیای زانا. سەرەوەشیی بنەیانەی گرانقەدروو هامڕا گەشمەرڎەکاما و گرڎوو گەلی وەڵاتپارێزنوو کورڎسانی کەرمۍ.

ئشناسنامەو هامڕا گەشمەرڎەکاما پێسنەن:

Description: C:\Users\Roj\AppData\Local\Temp\ksohtml9704\wps1.png

ئشناسنامێ: زنار سیپان

نامۍ و دمانامێ: بورهانەدین یاغمور

یاگۍ جەئەدابییەی: بەدلیس

ئەدا و تاتە: ئەلفەسیا و عوسمان

وەخت و یاگۍ گەشمەرڎەبییەی: ٢٢ۍ ئازاروو ٢٠١٨ \ قەندیل

*

Description: C:\Users\Roj\AppData\Local\Temp\ksohtml9704\wps2.png

ئشناسنامێ: شاهین گەڤەڕ

نامۍ و دمانامێ: کەمال تورگوت

یاگۍ جەئەدابییەی: جۊلەمێرگ

ئەدا و تاتە: زولەیخا و عەبڎوڵلا

وەخت و یاگۍ گەشمەرڎەبییەی: ٢٢ی ئازاری ٢٠١٨\ قەندیل

*

زنار سیپان

پارتەکەما "پەکەکە" بە وەڵیوەبییەی ڕابەر "ئاپۊ"ی، کە وەراوەروو قاڕچنیەیۊ و دلینەبەرڎەینە، جە بووڵی وێشا خولقنا ، بە شێوێوە سەرنجکێش ئامۍ سەروو سەکۊو تاریخی، پێسە دابونەریتوو مڎرامانیشا خولقنا. کۊشیای ئازاڎیی کورڎسانی جە گرڎ بستێوە کورڎسانیرە وەڵا بیۊ، بی بە جواب پەی داواکاریی ئازاڎی و قەراروو ژیوای شکۊداروو گەلەکەیما و بە ڕەنجوو گەشمەرڎە نەمرەکاما گەورەتەر بی و یاوا ئی سەرڎەمە. هەرێمەکەما "گارزان" کە یۊ جە هەرێمەکاو ئەوەڵێن کە گەلەکەش وێش بە ساعیبوو کۊشیاکەیما زانان و گەلەکەما بەجەماوەری بەشڎارییش جە شۊڕشینە کەرڎەن، ئشناسنامەو  مڎرامانی و بەهاو کورڎسانی چەنی پارتەکەیما پەکەکەی سەرجەنۊ وستشۊ یۊ، بە سەدان ڕۊڵۍ قارەمانۍ بەشڎارییشا جە ڕیزەکاو کۊشیاینە کەرڎە و ڕوانەو مەیڎانەکاو مڎرامانی کریۍ. هامڕاما "زنار"یچ دلۍ بنەیانێوە وەڵاتپارێزوو تەتوان-ینە پەیدا بییەن، بە بەهای کۊمەڵایەتیی بەقووەتوو هەرێمەکەی و داستانەو کۊشیای و مڎرامانی گەورە بی. هامڕاما ئێشوو گەلەکەیما، فشار و زوڵم سەروو گەلەکەیماش جە ڕاو کلامەی (حەیران)یوە، ژنی و جە دڵشۊ هەستش پەنە کەرد، جە عومروو گەنجیشنە ئشناسنامەو کۊشیایش بەدەس ئارد. هامڕاما، کە دلۍ سروشتی بەهەشتیی کورڎسانینە، بە بەهاو کۊمیناڵی، دوور جە کاریگەریی قێزەونوو سیستمی گەورە بییەبۍ، پەی وانای زانکۊی لوا "ئەرزەرۊم" و چاگە مڎرامانوو گەریلای و پارتەکەیما "پەکەکە"یش جەنزیکۊ ئشناسا. مڎرامانوو ئەووەڵوو ساڵەو نەوەدەکا کە مڎرامانوو گەریلای بە سەرەوردای گەلوو کورڎسانی وەڵاتپارێزنۍ ئامێتە بییەبۍ و یاوا بەرزتەرین پلۍ، هامڕا "زنار"یچ بەشڎارییش جە ڕیزەکاو کۊشیاینە کەرد. هامڕاما "زنار" بەشڎارییش جە ڕێکوستەیەکا گەنجە وەڵێوەبییەیەکاو میلیتانوو گەنجاو کورڎسانی (یۊبییەی گەنجاو کورڎستان – یەجەکە)ینە کەرد، چا وەختەنە ڕابەر "ئاپۊ" و پەکەکەش زیادتەر جەنزیکۊ ئشناسۍ. زناری هامڕاما بە کەسایەتیی میلیتانی و ڕەنجدەریی وێش جە هەرمانەو گەنجانە بی بە سەرمەشق، فرەو جارا بی بە ئامانجوو هجووموو ئەرەگیرا و گیریا. چەنی هجووموو دەوڵەتی ئەرەگیروو تورکی، ڕۊحوو کۊشیای و مڎرامانوو ڕابەر "ئاپۊ'یش قبووڵ کەرد، حیچ وەخت هەنگامەش بەرەو دما نەنیا و گرڎ وەختۍ دلۍ گێڵای و کۊشیاینە بۍ. هامڕا "زنار" کە میلیتانوو نەوەو سەرەوردای پەکەکەی بۍ، ساڵەو ١٩٩٣ وەختۍ زانکۊو ئەرزەرۊم-ینە وانۍ، بۍ دووەدڵی دەسش جە بەشوو فەڕەنسی ور گێرت و بی بە فیدایی کۊشیای و ئازاڎیی گەلەکەیما.

جە بەشێوە تەروو ئەرەیاوناکەی هەپەگەینە ئامان، هامڕا  "زنار" دماو خەباتێوە گەنجانەی جە ساڵەو ١٩٩٤ینە بەشڎارییش جەەڕیزەکاو گەریلاینە کەرد، بە گرڎی جە هەرێمەکاو پارێزنای میدیای و هەرێموو سەرحەدینە خەبات و گەریلایەتییش کەرڎەن، بەتایبەتی جە ساڵەو ١٩٩٩ینە، سەرڎەموو دەسپەنەکەرڎەی پیلانگێڵنای میاننەتەوەیی دژوو "عەبڎوڵڵا ئۊجالان"ی ڕابەروو گەلوو کوردینە بەشڎارییش جە فرەو چالاکییانە کەرڎەن و گورزۍ گەورێس ئۊو دوژمنی ئەرەگیری دێنۍ، دماتەرنە دلۍ ڕاوەبەریی فەرماندەیی هەرێموو قەندیلینە یاگۍ وێش گێرتێنەش، نزیکەو ٣٠ ساڵا بەفیداکاری ڕیزەکانی پەکەکەینە پەی گەلەکەیش کۊشیان.

شاهین گەڤەڕ

هامڕاما "شاهین" جە دەگاو شیشەمزینوو گەڤەڕی دلۍ بنەیانێوە وەڵاتپارێزنوو خێلوو مامخوڕی وەڵاتپارێزنۍ پەیدا بییەن، کە ئا خێڵەو ئێمە فرەو هەرێمەکاو کورڎسانینە هەنۍ. بنەیانەو و قەوماو هامڕا "شاهین"ی بە هەنگامەو گەریلای  ساڵەو ١٩٨٤ینە، پارتەکەما پەکەکەشا ئشناسا و بیۍ بە دڵوازوو پارتەکەیما. ئی بنەیانە وەڵاتپارێزەما و قەومەکێشا دماو ئانەی پارتەکەشا ئشناسا، کوۍ بیۍ دەورش، متمانەشا پەنە کەرد، کە دۊزوو ئازاڎی بەرۊ ڕاوە و دلی گلێرگێوە وەڵاتپارێزی چینەینە گەورە بی، زارۊڵەیی وێشەنە پارتەکەماش ئشناسان و ئامێتەش بی. هامڕا "شاهین" جە زارۊڵەییوە کۊکوشیی دەوڵەتی ئەرەگیروو فاشیستوو تورکیش سەروو گەلەکەیماوە دی، ڕاسیی دوژمنیش ئشناسا. هامڕا "شاهین" ئەرەیاوناش، کە ئا وەختە حەربەشڎاریکەرڎێوە دلۍ ڕیزەکاو کۊشیاینە عەقڵیەت و وێبە ساعیبکەرڎەیش جە کۊشیای ئازاڎی، دلۍ بنەیانەکەیشانە گەورەتەر بۍ. هامڕا "شاهین" گەرەکش بۍ بۊ بە جوابوو قۊمیایەکا، پەی گەشمەرڎا، بەشڎاریکەرڎەی و جوابوو سیاسەتوو قاڕچنیەیۊ دەوڵەتی ئەرەگیر و فاشیستوو تورکی بڎۊوە، پەوکای قەرارشدا بەشڎاریی ڕیزەکاو گەریلاکاو ئازاڎینە کەرۊ.

هامڕا "شاهین" جە سالەو ١٩٩٨ینە جە هەرێموو باژێرگانی، بەشڎارییش جە ڕیزەکاو گەریلاینە کەرد، تا ساڵەو ٢٠٠٢ۍ هەرێموو باژێرگانی و گەشمەرڎانە گەریلایەتییش کەرد."

بەشێوە تەرنە "هەپەگە" ماچۊ، "هامڕا "شاهین" جە ساڵەو ٢٠٠٣ێنە لوان مەیڎانوو ئامەدی و ٧ ساڵۍ بە سەرەمڕ و سەرکەوتانە خەباتش بەرڎەن ڕاوە. پلانسازی فرەو چالاکییاش ئامەدنە متەنرە و گورزۍ قورسێش ئۊو دوژمنی دێنۍ. دماتەر جە ساڵەو ٢٠١١ینە، لوان هەرێمەکاو پارێزنای میدیای، دماو پەروەرڎەی جە ئەکادیمیاو گەشمەرڎە فەرماندە "مەحسوم کۊرکماز"نە گارە-نە دەسش بە خەباتی کەرڎەن، جە کۊشیای گەریلا و وەڵیوستەی ڕەفێقەکاشنە دەورێوە گەورەش دییەن. هامڕا "شاهین" دماتەر لوان وەرنیشتوو کورڎسانی و چاگە پێسە فەرماندێوە، بەشڎارییش جە جەنگوو دژوو داعشینە کەرڎەن و گورزی بێوێنەش دان وەنەو داعشی، کە لاو دەوڵەتی ئەرەگیروو تورکیوە پەشتگیریی کریۍ.

هامڕا "شاهین" دماتەر وەروو ئانەی گێڵانۊ هەرێمەکاو پارێزنای میدیای و دماو خەباتێوە چنڎین ساڵەی، جە ٢٣ۍ ئازاروو ٢٠١٨ینە جە هجوومۍ دوژمنی ئەرەگیرینە گەشمەرڎە بی. هامڕا "شاهین" بییەن  یۊ جە لە میلیتانە نموونەیی ئاپۊییەکا، وەرووئانەی گرڎ هەرمانۍ کەرۊ، ڕەنجێوە فرەش کێشتەن. هامڕا "شاهین" ڕاو سەرکەوتەیش نیشانەو ئێمە دا. ئێمە پێسە ڕەفێقاش قەرار مڎەیمۍ، کە میراسوو مڎرامانوو گرڎوو گەشمەرڎاما و بەتایبەتی هامڕا شاهینی دەوڵەمەندتەر کەرمۍ و خەباتەکەیشا سەر وزمۍ."

س.ز