هەپەگە ئەرەیاۋناش، "سوپاو تورکی ئەرەگیری ٢٠/١/٢٠٢٤بە دووۍ ئەرەیاۋنۍ جیاجیۍ بانگەشەو ئانەیش کەردەن کەگوایا جە هەڕێموو گارەی ٩ و جە هەرێموو زاپینە ١٠ گەریلێما زەرەری گیانیشا ۋەرکۊتەن. دما بەدماو پەیوەندیماو چنی گرڎوو فەرماندەکاما بەرکۊت کە سوپاو تورکی ئەرەگیری بە تەمامیی دروێش کەردێنە و بانگەشەکێش ناڕاسێنۍ. جە بۆردومانەکاو سوپاو تورکی ئەرەگیرینە کە جە وارۆ بە وردی وستەنما ڕووە، حیچ زەرەرێوە گیانی ۋەروو هێزەکاما نەکۊتەن. سوپاو تورکی ئەرەگیری کە جە ئۆپراسیۆنە شۆڕشگێڵنییەکا ئی دماییەو گەریلاکا ئازاڎیی کوردسانینە گورزەی قورسەش وەرکۊتۍ بۍ بە دروۍ و فڕوو فیشاڵ حۊڵ مڎۆ رای گرڎیی خەڵەتنۊ و ورە پۍ هێزە فاشیستیەکا گێڵنۊوە. سوپاو تورکی ئەرەگیری ۋەروو ئانەی بێچارە و دەسەوسان بیەن دەسش بە دروا کەردەن، حەرپۊکەی مەبۆ کەس گۊش پۍ ئا درووا گێرۆ ".

ئەرەیاۋناکەو ناوەنڎوو ئەرەیاۋنای و چاپەمەنی هەپەگەی سەبارەڎ بە چالاکیەکاو گەریلای و هجومە ئەرەگیریەکا ئی زانیارییەشە وەڵاکەردۆ؛

"جە هەرێموو گەشمەرڎە دەلیلوو ۋەرنیشتوو زاپی

١٨/١/٢٠٢٤ سەعات ١٦:٢٠ دەیەقۍ جە مېڎانوو مدرامانوو کەش و جودی بە چەکی نیم ئۆتۆماتیک جە ئەرەگیرا دریا، گورزە جە سەنگەرێوە شنیا.

٢١/١/٢٠٢٤ سەعات ٠٨:٢٥ دەیەقۍ جە مېڎانوو مدرامانوو کەش و جودی بە چەکی نیم ئۆتۆماتیک گورزە جە سەنگەرێوە ئەرەگیرا دریا. چالاکیەکە جە تەرەفوو هێزەکاو یەژا ستاریماوە کریا.

٢٢/١/٢٠٢٤ سەعات ١٠:٢٠ دەیەقۍ جە مېڎانوو مدرامانوو کەش و ئامێدی بە چەکی نیم ئۆتۆماتیک جە ئەرەگیرا دریا کە دەوروو ترۊمبێلێوە سەروازیرە کوۍ بیێبێنێوە. جە ئاکامەنە ٢ ئەرەگیرۍ سزادریۍ.

هجومەکۍ دەوڵەتوو تورکی ئەرەگیری بە تەقەمەنی قەڎەغەکریا؛

١٧/١/٢٠٢٤ جە مېڎانوو مدرامانوو سیداینە جە زاپ سەنگەرە جەنگیەکۍ ئێمە جارێوە بە تەقەمەنی قەڎەغەکریا بۆردومان کریۍ.

هجومەکۍ سوپاو تورکی ئەرەگیری؛

جە ١٦ تا ٢٣/١/٢٠٢٤ی جە هەرێموو گارەینە،' مېڎانەکۍ سیان، کەش و رەشیدی، کەش و سیسەری، زێڤکێ، سێدار ١٤ جارۍ'، جە هەرێموو گەشمەرڎە دەلیلوو ۋەرنیشتوو زاپی،' کەش و جودی، کەش و وەهاری، کەش و ئامێدی ٩ جارۍ'، جە هەرێموو خواکورکی کەشوو بەربزینی، دۆڵەو بەربزینی، دەرەو لۆلانی، کوچا خەجەرێ'، مێڎانەکۍ گەشمەرڎە شەریفی و کۆلیتی ١٧ جارۍ'، جە هەرێموو مەتیناینە ،' مېڎانەکۍ دەرگەلێ، شێلازێ، سەرێ مەتینای ٤ جارۍ'، جە هەرێموو زاپیچ مېڎانەکۍ مدرامانوو گەشمەرڎە ئیبراهیمی جارێوە؛ بە گرڎی ٤٥ جارۍ ئا شۊنمۍ بە فڕۆکەی جەنگی بۆردومان کریۍ.

٢٠ و ٢١/١/٢٠٢٤ هەرێمەکۍ زاپ و خواکورکی بە هەلیکۆپتەر بۆردومان کریۍ.

هەرێمەکۍ زاپی، گەشمەرڎە دەلیلوو ۋەرنیشتوو زاپی، مەتینا و خواکورک تۆپۋاران کریۍ".