دەوڵەتوو تورکی ئەرەگیری هەرێموو سیخوڕپاشاو ئەلکۍ شڕنەخیش بۊردومان کەرد. هجوومەکەنە دووۍ گەریلۍ بە نامەکاو عەلیشێر (موراد یاڵچن) و مەعاز (بشار بەهادر) بەسەختی بریندارۍ بیۍ و کەوتۍ دەسوو دوژمنی.
ناوەندوو ئەریاونای و چاپەمەنیی هەپەگەی سەبارەت بە چالاکیی هێزەکاو گەریلای و هجوومەکاو سوپاو تورکی ئەرەگیری ئی ئەرەیاونایشە وەڵا کەرڎۊ:
بۊتاننە
جە ٢١ حوزەیرانینە هامڕێما عەلیشێر (موراد یاڵچن) و مەعاز (بشار بەهادر) هەرێموو سخوڕپاشاو ئەلکێی شڕنەخینە، وەختوو پۊڕانی هەرمانەکاشانە، یاگۍ مەنەیۊشا سوپاو تورکی ئەرەگیری بۊردومانە کەرڎە. تا ٢٢ حوزەیرانی سەعات ٠٩:٣٠ ئا مەیانە هامڕێکێما چەنەش بێنۍ بە هەلیکۊپتەر بۊردومان کریا. هەردووە هامڕێکێما کە بە سەبەبوو بۊردومانەکەیۊ بەسەختی بریندارۍ بیێبێنۍ، کەوتۍ دەسوو دوژمنی.
هەرێموو گەشمەرڎە دەلیلوو وەرنیشتوو زاپی
٦ تەمووزی سەعات ٠٩:٤٠ سیستموو ڕاداروو ئەرەگیرا جە مەیدانوو مدرامانوو کەشوو ئێف ئێمی بە چەکی قورس تێک دریا. ئی چالاکییە جە ڕاو تیمە گێڵیارەکاو یەژاستاریماوە کریا.
هجوومەکاو سوپاو تورکی ئەرەگیری؛
جە ٥ و ٦ تەمووزینە هەرێموو گەشمەرڎە دەلیلوو وەرنیشتوو زاپی ٦ جارۍ، هەرێمەکاو مدرامانوو گپلکای و کەشوو هەکاریی مەتینای ٣ جارۍ، بەگردیوە ٩ جارۍ ئا یاگۍ بە فڕۊکەی جەنگی بۊردومانۍ کریۍ.
جە ٦ تەمووزینە مەیدانەکاو مدرامانوو کەشوو بەهاری، کەشوو جودی، کەشوو ئامێدی جە هەرێموو گەشمەرڎە دەلیلوو وەرنیشتوو زاپی و مەیدانوو مدرامانوو سیداو زاپیچ ٦٦ جارۍ بە کاتیوشا، تانک و چەکی قورس بۊردومانۍ کریێنۍ.
جە ٦ تەمووزینە درۊنۍ سەروو عاسمانوو هەرێموو گەشمەرڎە دەلیلوو وەرنیشتوو زاپیرە سووڕیێوە.
سوپاو تورکی ئەرەگیری جە ٦ تەمووزینە هجوومش کەرد سەروو سەنگەرەکاو مەیدانوو مدرامانوو سیداو زاپی و مەیدانوو مدرامانوو کەشوو ئێف ئێموو هەرێموو گەشمەرڎە دەلیلوو وەرنیشتوو زاپی و هەوڵێش دۍ بە حەفارە تونێلەکا وڕنۊ. "
س.ز
