ناوەنڎو یاۋنەری و چاپەمەنی هەپەگەی جەبارەو هجومەکا سوپاو تورکی ئەرەگیری پۍ سەرو هەرێمەکا پارېزناو مێدیای ئەرەیاۋنېۋەش ۋەڵاکەرڎۊ کە پی جۊرەنە:

هەرێمو وەرنیشتوو زاپو گەشمەرڎە دەلیلی؛

'٥و حوزەیرانی سەعاڎ ١٣:٣٠ دەیەقۍ ئەرەگیرەکۍ جە مېڎانو مدرامانو کەشو ئێف ئێمی هجومشا کەرڎ سەرو هێزەکاما. هېزەکېچما وەرپەرچشا دېۋە.

هەرێمو خواکورکی؛

٤و حوزەیرانی سوپاو تورکی ئەرەگیری مېڎانو شێخزادەیش بە فرۊکەی جەنگی، هەلیکۊپتەر و چەکی قورس بۊمبۋاران کەرڎ، دماتەر ئەرەگیرەکۍ جە کەشو شێخزادەینە یاگەگیرۍ کریۍ.

هجومەکۍ سوپاو دەوڵەتو تورکی ئەرەگیری

٤ و ٥و حوزەیرانینە هەرێمو وەرنیشتوو زاپو گەشمەرڎە دەلیلینە مېڎانەکۍ مدرامانو کەشو ئێف ئێمی، کەشو ئامێدی، جە وەرکەوتوو زاپیچنە مېڎانو مدرامانو سیدای ٧٢ جارۍ بە کاتیوشا و تانک بۊمبۋاران کریۍ.

سوپاو تورکی ئەرەگیری ٤ و ٥ و حوزەیرانینە جە هەرێمو وەرنیشتوو زاپو گەشمەرڎە دەلیلی حۊلشدا سەنگەرەکا مدرامانیما جە کەشو ئێف ئێمی بە حەفارە وڕنۊنە.

فەرمانڎەو تیمو خەنجەری مسەفا ئەردەمی جاش سزا دریا

جە یاۋنەریەکەو هەپەگەینە ئامان: "جاشېوە بە نامۍ مسەفا ئەردەمی کە ساڵەو ١٩٨٠ جە شڕنەخ جە ئەڎۍ بیەن، کەسێوەبۍ کە دژوو کۊشیای ئازاڎیی گەلەکەیما تاوانۍ فرېش ئەنجامدېبېنۍ. ئا جاشە خزمەت بە دوژمنی قڕکەری کەرۍ، بەشڎاریش فرەو هجومەکانە دژوو گەلەکەیما کەرڎەن، تاوانۍ جیاجیېش ئەنجامدېبېنۍ، نەک حەر جە سەرنیشتوو کورڎسانی بەڵکم جە هەرێمەکا پارېزناو مەدیاینە بەشڎاری ئۊپەراسیۊنەکاش کەرڎەبۍ و دەسش لوۋابۍ ونەو فرەو هەڤاڵاما. حەرپاسە سەردەسەو گروپێوە جاشابۍ کە ۋېشا پېسە تیمو خەنجەرۍ ئشناسان.

مسەفا ئەردەم کە ئی جۊرە هەرمانا کەرۍ، ٤و حوزەیرانی سەعاڎ ٢١:٣٠ دەیەقۍ کۊت وەردەسو یۊ جە یەکینەکاما و ئا یەکینەما بە دەسوەڵېوستەو ۋېشا ئا جاشەشا بە سزا یاۋنا. یەکینەکەما بە شێۋېوە سەرکۊتانە گېڵاوە شۊنەو ۋېش و زانیاریش سەرو ڕوۋەداکەی ئەرەیاۋنا".

هـ . ش