هێزەکۍ پارېزناو گەلی (هەپەگە) ئەرەیاۋناش؛ کە جە لجێی ئامەڎی جە جەنگو ٨و حوزەیرانینە جە بەینو سوپاو تورکی و هێزەکا گەریلاینە یۊ جە فەرمانڎەکا گەریلای خەمگین سەرحەد و باهۆز فارقینی هامڕایش گەشمەرڎۍ بیۍ.
یاۋنەریەکەو هەپەگەی پی جۆرەنە:
" ٨و حوزەیرانینە جە مەنتیقەو لجێی ئامەڎی جە بەینو سوپاو تورکی ئەرەگیری و هێزەکامانە جەنگی دژوار ڕوۋەشدا. چا جەنگەنە یۊ جە فەرمانڎە گیانبازەکاما خەمگین سەرحەد و هامڕا باهۆز فارقین گەشمەرڎۍ بیۍ.
هامڕا خەمکین کە خۊتان بنەڕەتېوە حېقم و بیردۆزی و رێکوستەی بۍ جە کۊشیای ئازاڎیی کورڎسانینە ٢٣ ساڵۍ جە فرەو مېڎانەکانە گەریلایش کەرڎ، پا تایبەتمەندیاوە بی بە یۊ جە فەرمانڎەکا گەریلای مۆدێرنیتەی دیموکراتیکی. هامڕاما خەمگین کە پا گیربۍ سەرو ئانەی کە هەنگامەکا کۊشیای وەرفراوانتەر کەرۊ، بی بە یۊ جە نمونە وەرچەمەکا جەنگاوەری ۋۍ پارېزی و فەرمانڎەیی ئاپۆیی.
هامڕا باهۆز کە بە زیرەکی و چنەئامایی ۋېشۊ، بە گیانبازی و کۊشیای و بە قینەو ۋېش وەران ۋەر بە دوژمنی جە مودېۋە کەمەنە دلۍ ریزەکا گەریلاینە سەرکۊتەی گۊرەش بەدەسئارڎ، بە ئازایی و دڵسۆزی ۋېش پۍ بەهاکا بی بە جەنگاوەرێوە کە گرڎو گەنجا کورڎی کەراش بە نمونە پۍ ۋېشا.
سەرەوەشی جە گرڎو گەلی وڵاڎپاڕێزو کورڎسانی، بەتایبەتی خانەواڎەی بەڕێز و بەنرخو فەرمانڎەی فیداییما خەمگین سەرحەدی و هامڕا باهۆز فارقینی مکەرمۍ. ئا هامڕېما بە بەشڎاربیەی بۍ وچان و فیدایی ئاپۆیی شۊنەو ۋېشا جە تاریخو کۊشیای گەلەکەیمانە کەرڎۊ.
شناسنامەو هەڤاڵە گەشمەرڎەکاما پی جۆرەنە:
ناسنامۍ: خەمگین سەرحەد
نامۍ و دمانامۍ: سامی ئۆزدەمیر
یاگۍ جە ئەڎابیەی: موش
نامۍ ئەڎۍ و نامۍ تاتەی: سوڵتانە- محەمەڎ
وەخت و یاگۍ گەشمەرڎەبیەی: ٨و حوزەیرانو ٢٠٢٣/ ئامەڎ
ناسنامۍ: باهۆز فارقین
نامۍ و دمانامۍ: ئومید کۆرکماز
یاگۍ جە ئەڎابیەی: ئامەڎ
نامۍ ئەڎۍ و نامۍ تاتەی: جاهیدە- حیکمەت
وەخت و یاگۍ گەشمەرڎەبیەی: ٨و حوزەیرانو ٢٠٢٣/ ئامەڎ
هـ . ش
