هەپەگە ئانەش وست ڕووە، ئا شۊنمۍ کە هێزە عێراقییەکۍ حۊڵمڎا چنەشەنە بنە وزا، هەرێمۍ قەڎبڕێنۍ و جەنگشا چنەن و واتش: "مشۊم هێزەکۍ عێراقی ئاگاڎارۍ ئا حەقەتینەیە با، ئاگاڎارۍ جەنگوو ئا هەرێمەیە با و بەپاو ئانەی مامەڵە کەرا."
ناوەنڎوو ئەرەیاۋنای و چاپەمەنی هەپەگەی ئەرەیاۋنێوەش وەڵاکەردۆ و ئانەش بەروست؛ دەوڵەتوو ئەرەگیروو تورکی یەرۍ جارۍ بە درۆن بۆردومانوو مێڎانێش جە هەرێموو زاپینە کەردەن، جە بەینوو ٢١پۍ ٢٥ شوباتینە جە هەرێمەکاو گارە، خواکوڕک، زاپ و مەتینایینە ٤١ جارۍ بە فڕۆکەی جەنگی بۆردومانش کەردەن.
جە ئەرەیاۋناکەینە ئاماژە بە جمو و جوڵەکا هێزەکاو عێراقی جە هەرێمەکەنە کریان و هوشیاریی و 'ئاگاڎایی جەنگی بیدۍ' دریان.
ئەرەیاۋناکەو هەپەگەی پی جۊرەنە:
"هجوومەکۍ سوپاو دەوڵەتوو ئەرەگیروو تورکی بە درۆنی بۆردومانکەر و تەقەمەنی قەڎەغەکریا:
٢٢ۍ شوباتی جە هەرێموو ۋەرنیشتوو زاپوو گەشمەرڎە دەلیلی سەنگەرەکۍ جەنگیما جە مێڎانوو مدرامانوو کەشوو جودی یەرۍ جارۍ بە درۆنی بۆردومانکەر بۆردومانکریان.
هجوومەکۍ دەوڵەتوو ئەرەگیروو تورکی:
٢١پۍ ٢٥و شوباتی جە هەرێموو گارەینە؛ مێڎانوو دەشتەو کافیای، نەقەبا خێری، کەش و زەنگلی، کەس و ڕشیدی، سێدار ٩ جارۍ، هەرێموو ۋەرنیشتوو زاپوو گەشمەرڎە دەلیلینە؛ مێڎانوو کەش و جودی، کەش و ئامێدی، کەش و وەهاری ٢٣ جارۍ، هەرێموو خواکوڕکینە؛ مێڎانوو سنین، خنێرەی سەرین، ئاوەو لۆلانی، کۆلیت ٥ جارۍ، هەرێموو زاپیەنە؛ مێڎانوو مدرامانوو گەشمەرڎە ئیبراهیمی ٣ جارۍ، هەرێموو مەتیناینە؛ مێڎانوو سەری مەتینای جارێوە؛ بە گرڎیی ٤١ جار بە فڕۆکەی جەنگی بۆردومانکریێنۍ.
چی چن ڕووا دماینەینە هێزەکاو عێراقی بە نامۍ 'پاسەوانوو سنور'ی ئامێنۍ بڕۍ مێڎانۍ هەرێمەکاو زاپی و ئاڤاشینی، جە هەرێمەکاو پارێزنای میدییاینە کە جەنگی قورسشا چنەن. ئا شۊنمۍ کە هێزە عێراقییەکۍ حۊڵ مڎا چا بنەوزا، چنڎین کیلۆمەترۍ دورێنۍ جە سنوروو ڕسمی دەوڵەتوو عێراقی و دەوڵەتوو تورکیایۆ. دلۍ پانیشتوو کوردسانینە جە ئیسەنە جەنگێوە قورس ڕووە مڎۆ جە بەینوو گەریلای و سوپاو ئەرەگیروو تورکینە. ئێمە دژوو هێزوو عێراقی نیەنمۍ کە پارێزنای پۍ سنوری کەرۆ، بەڵام ئا یاگۍ کە پێش ئامێنۍ خەتەو سنوری نیەنە. پۊکەی چا جموجوڵا میاومێنە کە بڕۍ هێزێنۍ خەریکۍ بڕۍ گەمانۍ. عالتەر بۆ کە هێزەکۍ عێراقی ئی حەقەتینا بزانا و ئاگاڎارۍ جەنگی با چا مێڎانانە و بەپاو ئانەی جماوە."
