جە چالاکییەکاو گەریلاکا ئازاڎیی کوردسانینە، ٤ سەروازۍ ئەرەگیرۍ تورکی سزا دریۍ و ٣سەروازۍ تەریچ زامڎارۍ بیۍ. ئەرەگیرەکۍ کە جە تەرەفوو هێزەکاو گەریلایۆ گورزەشا ۋەرەکەوتە، ١٢ جارۍ بە چەکی قەڎەغەکریاو کیمیاۋیی هەرێمەکەشا بوردومان کەرد.
زانیاری ناوەنڎوو ئەرەیاۋنای و چاپەمەنی هەپەگەی پی جۊرەنە:
"جە هەرێموو زاپیەنە کە ماوەو یەرۍ ساڵان مدرامانوو داستانی تاریخی ملۊڕاوە، سوپاو ئەرەگیروو تورکی کە مەتاوۆ جە ۋەرا ۋەروو گەریلاکا ئازاڎیی کوردسانینە ۋێش گێرۆ، ماوەو ٣ ڕووان جە ۋەراۋەروو مەڕەکا جەنگینە جە مېڎانوو مدرامانوو کەش و ئێف ئێمینە چەکی کیمیاۋیی قەڎەغە کریا بەکارمارۆ. دژوو ئی هجوومە نامرۆڤانەو سوپاو ئەرەگیروو تورکی، کە تاوانباروو جەنگین، هێزەکېما بە بەردەوامی مدرامان مکەرا و سوپاو ئەرەگیروو تورکی مەتاوۆ ئیرادەو گەریلاکا ئازاڎیی کوردسانی کە بە ڕۆحی فیدایی ئاپۆییوە ۋێشا پەروەردە کەردەن بماڕۆ.
زانیاری ورد سەروو چالاکیی و هجوومەکا سوپاو ئەرەگیروو تورکی ئینەن:
هەرێموو مەتینای؛
سەرسەعبوو ١١و ئایاری جە مېڎانوو مدرامانوو گۆڵکای، بە چەکی قورس ئەرەگیرەکۍ کریۍ ئامانج. چی چالاکییەنە کە جە تەرەفوو هێزەکاو یەژا ستاریۆ ئەنجامدریا، ٣ ئەرەگیرۍ سزا دریۍ و ٢ ئەرەگیرێچ زامڎارۍ بیۍ.
ڕۊو ١١و ئایاری،وەختوو نیمەڕۊی، جە مېڎانوو مدرامانوو گۆڵکاینە بە چەکی فەردی و نیمچە ئۆتۆماتیک ئەرەگیرەکۍ کریۍ ئامانج. چی چالاکییەنە ئەرەگیرێوە سزادریا و یۆ تەریچ زامڎار بی.
١١و ئایاری، سەعات١٦:٠٠ جە مېڎانوو مدرامانوو گۆڵکای بە چەکی نیمچە ئۆتۆماتیکی ئەرەگیرەکۍ کریۍ ئامانج. جە هەمان وەختەنە شۆفڵێوە ئەرەگیرا کە حۊڵوو وەشکەردە ڕۍ دۍ، دلێنەبریا.
هجوومەکۍ سوپاو ئەرەگیروو تورکی بە چەکی قەڎەغەکریا؛
١٢و ئایاری سەعات٢٣:٠٠ تا سەعات٠٤:٠٠ و ١٣و ئایاری جە هەرێموو گەشمەرڎە دەلیلوو سەر بە ۋەرنیشتوو زاپی، ١٢ جارۍ گازی کیمیاۋیی ژەعراوی سەروو مەڕەکامارە جە مېڎانوو مدرامانوو کەش و ئێف ئێمی بەکارئاردەن.
هجوومەکۍ سوپاو ئەرەگیروو تورکی؛
جە ١٢و ئایارینە هەرێموو مەتینای جە مېڎانوو مدرامانوو بێشیلی و دەرگەلێ دووۍ جارۍ بە فڕۆکەی جەنگی بۆردومان کریۍ.
