هه‌په‌گه یاڎو فه‌رمانڎه جه‌سور ئازاڎ (ئه‌دیب ته‌میز)یش کەرڎۊ، كه گەشمەرڎە بیەن و ئەرەیاۋناش، "ئاڎ بی بە به‌ڵگېۋە گۊرە، پۍ سەلەمناو جه‌نگاوه‌ری گیانبازی ئاپۆیی، كه ڕاو ئازاڎییش گرته‌نە وەرو متاۋۊ چېش کەرۊ و بیاۋۊ بە چ ئاستێۋە".
ناوه‌نڎو ئەرەیاۋنا و چاپەمە‌نی هه‌په‌گەی ئی زانیاریېشە ۋەڵاکەرڎېنۍ:
"هامرا جه‌سوور ئازاڎ، كه جه‌نگاوه‌ری گیانبازی ئاپۆیی پارته‌كه‌یما بۍ، فه‌رمانڎه‌یی سەرمەشق و مامۆساو زانستی و ته‌كنه‌لۆجیای و ژیای ده‌روێشانه‌ش جە ژیای ۋېشەنە به كردار بەرجەسە کەرڎەبۍ، جە ڕۊو ١و كانوونو یۋەمو ساڵەو ٢٠٢٢ جە ئاکامو هجومېۋە دوژمنینە گەشمەرڎە بی. ئێمه وەعد مڎەیمۍ كه یاڎو فه‌رمانڎه گەشمەرڎەکەیما كه شۆڕگێڵېۋە ناوازه بۍ به‌رز ڕاگېرمۍ و پارېزنمېش، په‌ره به کۊشیایش مڎەیمۍ و گۊرەتەرش کەرمۍ، وەعد مڎەیمۍ کۊشیایش، كه گرڎو ژیای ۋېش پەی به‌ختكەرد ۋەڵۍ وزمۍ و کەرمېش بە بنه‌ماو ئاخېزەکەیما و كه ڕووە و سه‌ركۊتەی ملۊ".
سەرو ئی بنه‌مۍ سەرەوەشی جە خانەواڎەو هامڕای ئازیزیما و گەلوو ۋڵاڎپارێزو مێردینی و گرڎو مەردمو كورڎسانی کەرمۍ.
ئشناسنامه‌و هامڕا جه‌سوور ئازاڎی پی جۊرەنە:
ناسنامۍ: جه‌سوور ئازاڎ
نامۍ و دما نامۍ: ئه‌دیب ته‌میز
یاگۍ جە ئەڎابیەی: مێردین
نامۍ ئەڎۍ و نامۍ تاتەی: تامیله - مه‌حمود
وەختو یاگۍ گەشمەرڎە بیەی: ١و کانوونو یۋەمو ٢٠٢٢ / هه‌رێمه‌كۍ پارېزناو مەدیای
هـ . ش
