ناوەنڎو یاۋنەری و چاپەمەنی هەپەگەی ئەرەیاۋناش، "هجومەکۍ سوپاو تورکی ئەگیرکەری دژ بە گەریلاکا ئازاڎیی کورڎسانی جە سەرنیشتو و هەرێمەکا پارېزناو مەدیای وەردەوامېنۍ. ئۆپراسیۆنەکۍ سوپاو تورکی مانگەی ۋیەرڎېنە جە ئامەڎ بۍ مرڎای سەرەمڕە وەردەوامۍ بېنۍ. جە ئاکامو ئا هجومانە جە ٢ و ٣ۍ حوزەیرانی یەرۍ هامڕېما جە ئامەڎ گەشمەرڎۍ بیۍ. هەرێمەکۍ پارېزناو مەدیایچ جە ٣ ڕوۋۍ ۋیەورڎەنە ١٣ جارۍ بە بۊمبی قەڎەغەکریاو، ٢٨ جارېچ بە فڕۊکەی جەنگی، ٤ جارۍ بە هەلیکۊپتەر و ٢٢٦ جارېچ بە کاتیوشا و تانک بۊمبۋاران کریېنۍ. وەختۍ ئەرەگیرەکۍ جە مېڎانەکاو مدرامانینە کۊتېنۍ جمای هێزەکېما ۋنەشا ئامېنۍ دەسۍ و ٢ ئەرەگیرېشا سزادۍ. هاموەخت ئەرەگیرەکۍ حۊلشا دا بە حەفارە سەنگەرەکا مدرامانیما وڕنا".

هەپەگە جە بارەو هجومەکا سوپاو تورکیوە ئی زانیاریېشە ئەرەیاۋنۍ:

" ٢ۍ حوزەیرانینە هەرێمو لجێی ئامەڎی سوپاو تورکی ئۆپراسیۆنێوە وەرفراوانش دەسپنەکەرڎ. جە ئاکام و هجوم و ئۆپراسیۆنەکەو سوپاو تورکینە جە ٢ۍ حوزەیرانی جەنگۍ قورس جە بەینو گروپێوە جە هەڤاڵاما و دوژمنینە ئاما ئاراوە. جە جەنگەکا ٢ و ٣ۍ حوزەیرانینە هامڕېکېما بە شێۋېوە گیانبازانە وەرگیریشا کەرڎ. چا جەنگانە یەرۍ هەڤاڵېما گەشمەرڎۍ بیۍ. شناسنامەو هامڕایاما زین ئامەڎۍ و مەعسوم هەرەکۆلی ئاشکرا بی. وەختۍ زانیاری ورد جە بارەو شناسنامەو هامرا گەشمەرڎەکەی تەریما ڕۊشن بیۊ ئێمە شناسنامەکەیش ئەرەیاۋنمۍ.

سەرەوەشی جە خانەواڎەو بەڕێزو هامڕایا گەشمەرڎەیما و تەمامو گەلوو کورڎسانی کەرمۍ. هامڕېکېما حەتا دما هەناسەشا دژ بە سوپاو تورکی قڕکەری ئەرەگیری بە قارەمانی و فیدایی جەنگشا کەرڎ. جە کەسایەتی هامڕایاما زینۍ ومەعسومینە ئێمە بەشێۋېوە فرە بەقوەتتەر کۊشیەیمۍ، زیاتەر سەرگنمۍ و بە دڵنیاییوە ئامانجەکەیما واتە رابەرایەتی ئازاڎی و کورڎسانی ئازاڎی مارۊنە دی.

شناسنامەو هامڕا گەشمەرڎەکاما پی جۊرەنە:

ناسنامۍ: "زین ئامەڎ"ە

نامۍ و دمانامۍ: "دیلان گۆکاڵپ"ە

یاگۍ جە ئەڎابیەی: ئامەڎ

نامۍ ئەڎۍ و نامۍ تاتەی: ناجیە و گەنجۆ

وەخت و یاگۍ گەشمەرڎەبیەی: ٣ۍ حوزەیرانو ٢٠٢٣/ ئامەڎ

ناسنامۍ: مەعسوم هەرەکۆل

نامۍ و دمانامۍ: وەدات ئایهان

یاگۍ جە ئەڎابیەی: سێرت

نامۍ ئەڎۍ و نامۍ تاتەی: رەمزیە - ئەحمەد

وەخت و یاگۍ گەشمەرڎەبیەی: ٣ۍ حوزەیرانو ٢٠٢٣/ ئامەڎ

هجومەکۍ ئەرەگیرا وەردەوامېنۍ

هەرێمو گەشمەرڎە دەلیلی جە وەرنیشتوو زاپی؛

ئەرەگیرەکۍ کە جە ٨و حوزەیرانینە سەعاڎ ١٢:٢٥ دەیەقۍ کەشو ئێف ئێمینە کەوتۍ جمای ، هېزەکېما کوڕانە ۋنەشا ئامېوە دەسۍ و مرڎنېشا.

هەرێمو خواکورکی

٨و حوزەیرانینە سەعاڎ ١٢:٠٠ وەختۍ ئەرەگیرەکۍ جە کەشو گەشمەرڎە مونزورینە دەسشا بە جمای کەرڎ، هێزەکېما ئەو ئەرەگیراشا دا. جە ئاکامو ئا دەسوەرداینە جموجولەکەشا مردنۍ و ٢ ئەرەگیرۍ سزادریۍ.

هجومەکۍ سوپاو تورکی ئەرەگیری بە بۊمبی قەڎەغەکریا:

سەنگەرەکېما جە مېڎانو مدرامانو کەشو ئێف ئێمی و هەرێمو گەشمەرڎە دەلیلی جە وەرنیشتوو زاپی جە ٧و حوزەیرانی ٨ جارۍ، ٩و حوزەیرانی ٥ جارۍ، واتە بە گرڎی ١٣ جارۍ سەنگەرەکېما بە بۊمبی قەڎەغەکریا بۊمبۋاران کریۍ.

هجومەکۍ سوپاو تورکی ئەرەگیری:

٨و حوزەیرانینە کەشو ۋیس و یەرۍ، دەگاو سنۍ و زینی وەرتێی قەندیلی ٣ جارۍ، هەرێمەکۍ کەشو چارچەلی و دەگاو شێلازێی مەتینای ٢ جارۍ؛ ٨ و ٩و حوزەیرانینە هەرێمەکۍ کانی سارک، دەگاو سێدارۍ، دەگاو دەرەشۍ، دەگاو بلندبازی، دەگاو باخێری، دەریۍ حرچی گارەی ٩ جارۍ، ٧ و ٩و حوزەیرانینە هەرێمو گەشمەرڎە دەلیلی جە وەرکەوتوو زاپی ٢٨ جارۍ، ١٤ جارۍ کەشو جودی، کەشو وەهاری، مېڎانو مدرامانو کەشو ئامێدی بە فرۊکەی جەنگی بۊمبواران کریۍ.

٨و حوزەیرانی مېڎانو مدرامانو کەشو هەکاری مەتینای ٤ جارۍ بە هەلیکۊپتەری هجومکەر بۊمبۋاران کریا

٧.٨ و ٩و حوزەیرانینە مېڎانو مدرامانو سیدای زاپی، مېڎانەکۍ مدرامانو کەشو ئامێدی، کەشو ئێف ئێمی و کەشو جودی جە هەرێمو گەشمەرڎە دەلیلی جە وەرنیشتوو زاپی، مېڎانو مدرامانو کەشو گەشمەرڎە پڵنگی مەتینانە ٢٢٦ جارۍ بە کاتیوشا و تانک بۊمبۋاران کریۍ.

سوپاو تورکی ئەرەگیری ٨ و ٩و حوزەیرانینە هجومش کەرڎ سەرو سەنگەرەکاما جە مېڎانو مدرامانو سیدای زاپی، ٧، ٨ و ٩و حوزەیرانیچ هجومش پۍ سەرو سەنگەرەکاما جە مېڎانو مدرامانو کەشو ئێف ئێمی هەرێمو گەشمەرڎە دەلیلی جە وەرنیشتوو زاپی ئەنجامدا و حۊلشا دا بە حەفارە وڕناشا".

هـ . ش