ناوەندوو ئەرەیاونای و چاپەمەنیی هەپەگە بارەو ئا گەریلایاوە مەتینانە گەشمەرڎۍ بیۍ، ئی زانیارییەشە ئەرەیاونۍ، " هامڕێما حسێن پیرانی قارەمانی ئامەد و جەنگەوانوو یەژاستار ڕوکەن زیلانە جە هجوومەکەو دوژمنینە ١٤و تشرینوو یوەموو ٢٠٢٣ێنە هەرێموو مەتیناینە گەشمەرڎۍ بیۍ.

هامڕێمان حسێن و ڕوکەنە بە ژیوا، بەشداربییەیشا کۊشیاینە، هەڵوێست و ئایدۊلۊژیای ئاپۊیی پتەوشا گردوو مەیدانەکانە گرد وەختۍ بێی سەرمەشقۍ.  گەشمەرڎەبییەی هامڕایاما چندەیچ پەی ئێمە دژوار بۊ، بۊ بە مایۍ قوەوی وەرفراوانوو کۊشیای. هامڕا حسێن کە بە پراکتیک، کۊشیای و هەڵوێستوو وێش نیشانە دا ژیواینە، پێویسیی دڵسۊزی و وەفادارییش بە گەشمەرڎا بێوچان یاونا یاگۍ. جەنگاوەرەی سەرمەشقەو پاژکی ڕوکەنە کۊشیای ئازادیمانە بەرڎەوام بەهێش خولقنۍ و بییە بە نموونە پەی هامڕایەکاش.

ئێمە پێسە ڕاویارا و شۊنکەوتا هامڕا گەشمەرڎەکاما سەرەوەشی جە بنەیانەی وەڵاتپارێزنوو هامڕایاما و سەرجەموو گەلوو کوردستانی کەرمۍ و وەعدوو هاگاداریی جە یادوو گەشمەرڎەکا و ئەوەخوای کەرمێوە.

زانیاری بارە و هامڕا گەشمەرڎەکاماوە پێسنەن:

شناسنامێ: حسێن پیران

نامۍ و دمانامێ: جیهاد ئاکتای

یاگۍ پەیڎابییەی: ئامەد

نامۍ ئەڎێ- تاتەی: ساڵیحە- محەمەد

وەخت و شۊنەو گەشمەرڎەبییەی: ١٤و تشرینوو یوەموو ٢٠٢٣/ مەتینا

شناسنامێ: ڕوکەن زیلانە

نامۍ و دمانامێ: زەینەب سەڤیمە

یاگۍ پەیڎابییەی: سێرت

نامۍ ئەڎێ- تاتەی: خاتوونە- حاجی

وەخت و شۊنەو  گەشمەرڎەبییەی: ١٤و تشرینوو یوەمی ٢٠٢٣/ مەتینا