هەپەگە ئامارەو جەنگەکا مانگۆو نۆۋەمبەریش ئاشکرا کەردۍ. جە ئاکامو ٤٧ چالاکیا گەریلاینە ١٣ ئەرەگیرۍ سزادریۍ، کە یۆ چانیشا ئەفسەرێوە پلەباڵابۍ. ئەرەیاۋییا کە چڼین کەرەسۍ و ئامێرۍ ئەرەگیرایچ دلێنە بریۍ.
ئەرەیاۋناکەو هەپەگەی پی جۆرەنە:
"گەلوو کوردی و فیداییەکێش بە جۆش، خرۆش و پاگیری گۆرۆو ئەرەکۆشایۍ دەسشا بە ساڵۆو ٤٧ەمینو ئەرەکۊشای کەرد. بە هێزی ئایدۆلۆژی و رۆحی فیدایی ئاپۆیی گەریلاکاو ئازادیی کورەسانی سەرو ڕاو گەشمەرڎاماوە هەنگامە هۆرگێرمۍ، بە ۋیستوو سەرکۊتەی و بڕوێوە گۆرێوە دەسشا بە ساڵۊو ٤٧ەمینو ئەرەکۊشای کەرد. سەرو ئا بنەمایۍ جە سەرنیشتوو کوردەسانی و هەرێمەکاو پارێزنای مەدیای جە ماوەو مانگۊو نۆۋەمبەرینە ئەرەکۊشایۍ سەرەمڕەشا ئەنجامدا، جە دژو هرووژمە ئەرەگیریەکا دۆڵەتو تورکی قڕکەری و کۆلۆنیالیستی ۋێڕاگریشا کەرد.
دۆڵەتو تورکی قڕکەری و کۆلۆنیالیستی جە ماوەو مانگۊو نۊوەمبەرینە ٦ جارۍ بە درۆنی بەبۆمچنیا و ٤٠ جارێچ بە تەقەمەنی قەڎەغە هرووژمشا کەرڎ سەرو مەڕەکا جەنگیما جە هەرێمەکاو پارێزنای مەدیای. جەهەمان کاتەنە مېڎانەکۍ مڎرامانی ٢٧٠ جارۍ بە فڕۆکەی جەنگی و ١٤٠ جارێچ بە هەلیکۆپتەری هرووژمکەر بۆمبۋارانۍ کریۍ. هێزەکێما بە ئازایەتی و پێرفۆرمانسێوە گەورۆ جە ۋەرا ۋەرو ئا هرووژمانە ۋێڕاگریشا کەرد، دلێ هەلومەرجو دژواری زمسانینە ٤٧ چالاکیۍ جیاجیۍ گەریلای بە ئەنجام یاوۍ. چا چالاکییانە ئەفسەرێوە پلەباڵا و ١٢ سەروازۍ کرێگرتۍ واتە بە گرڎیی ١٣ ئەرەگیرۍ بە سزا یاوۍ.. هەرپاسە حەفارە، ترۆمبێلێوە زرێپۆش، سیستەمۍ رادار، کامێرێوە حەراری، درۆنێوە و چڼین کەرەسۍ تەرۍ ئەرەگیرا دلێنەبریۍ.
ئامارەو جەنگەکا مانگۆو نۆۋەمبەری پی جۆرەنە:
هرووژمەکۍ سوپاو تورکی ئەرەگیری:
هرووژمەکۍ بە فڕۆکەی جەنگی: ٢٧٠
هرووژمەکۍ بە هەلیکۆپتەری هرووژمکەر: ١٤٠
هرووژمەکۍ بە درۆنی بەبۆمچنیای: ٦
هرووژمەکۍ بە تەقەمەنی قەڎەغەکریا: ٤٠
چالاکییەکاو گەریلای؛
کۊو گرڎیی چالاکییەکا گەریلای: ٤٧
کوشیایا دژمنی:
ژمارەو ئا سەروازە ئەرەگیرا کە سزادریێنۍ: ١٢
ژمارەو ئا ئەفسەرە پلەباڵایا کە سزادریێنۍ: ١
ژمارەو ئا ئەرەگیرا زامڎارۍ بیێنۍ: ٧
ئا کەرەسۍ کە دلێنەبریێنۍ: حەفارە: ٢
ترۆمبێلی زرێپۆش: ١
سیستەمو راداری: ١
کامێرەی حەراری: ٤
درۆن: ٦
مۆڵگە: ١
٦٠ کیلۆگرامۍ تەقەمەنی
ئا کەرەسۍ گورزەشا ۋنەشنیێنە؛
هەلیکۆپتەری هرووژمکەر: ١
حەفارە: ٢
کامێرەی حەراری:١
پرۆژێکتۆر: ١
مۆڵگە: ١".
