هەپەگە یاڎو یەرۍ گەشمەرڎاش بەرزنرخنا
هەپەگە ٣ گەریلېش ۋیرئارڎېوە کە هەرێمەکا پارېزناو مەدیاینە گەشمەرڎۍ بیۍ و ئەرەیاۋناش، "هامڕېما عەلیشێر، رەشید و ئامەڎ" بە بەشڎاربیەی ۋېشا جە ژیای و جەنگەنە بیۍ بە جەنگاوەرۍ ئاپۆیی ".
ناوەنڎو یاۋنەری و چاپەمەنی هەپەگەی سەبارەڎ بە یەرۍ گەریلایا کە جە هەرێمەکا پارېزناو مەدیاینە گەشمەرڎۍ بیۍ یاۋنەریېۋەش ۋەڵاکەرڎۊ کە پی جۊرەنە:
"جە هجومەکا سوپاو تورکی کۆلۆنیالیستینە پۍ سەرو هەرێمەکا پارېزناو مەدیای مانگەو ئایارو ساڵەو ٢٠٢٢ ېنە هامڕاما "عەلیشێر چیا"، مانگەو ئەیلولیچ هامڕېما "رەشید سەردار و ئامەڎ مایس" گەشمەرڎۍ بیۍ. هامڕېما عەلیشێر، رەشید و ئامەڎ کە ساڵانېوە فرە جە مېڎانە جیاجیاکانە ئەرکشا جابەجۍ کەرڎ، بە بەشڎاری ۋېشا جە ژیای و جەنگەنە بیۍ بە جەنگاوەرۍ نمونەیی ئاپۆیی. هامڕېما عەلیشێر و رەشید دلۍ خەباتو هێزەکا تایبەتینە قەراردەرۍ و رژدۍ بېنۍ سەرو جەنگاوەری گیانبازی، قووڵبیەیۊ سەرو ئامانج و حۊلدای سەرکۊتانە ئاستو تەکنیکی و شارەزایشا جە مەجالو زانستی گەریلاکا مۆدێرنېتەی دیموکراتیکی وەڵۍ وست. هەم بە دەورو پېوەرەبیەی دلۍ خەباتینە هەمیچ بە سەرمەشقبیەیشا، هەمیچ بە شارەزابیەیشا جە ئاستی کەسینە. هامڕاما ئامەڎیچ بە رەنجو ۋېش جە مېڎانو جەنگینە، بە کەسایەتی گیانبازانەو ۋېش، بەشڎاربیەی خاکەڕایانە و چنە ویەرڎەی و حۊلدای گیانبازانە بی بە خۊتان هەڵۋێس.
هامڕېما عەلیشێر، رەشید و ئامەڎ کە وەران ۋەرو خەتەو ئاپۆیی و راسی گەشمەرڎانە حەجگیز مانیای نەشناسېنۍ، وەردەوام ۋېشا بە قەرزارو گەلەکەیشا ۋینېنۍ و پی جۊرە کۊشیۍ، پېسە سەرمەشقا رێکوستەکەیما بېنۍ. هامڕېما عەلیشێر، رەشید و ئامەڎ پېسە جەنگاوەرا دەس هورچنو گەریلاکاما جە وەختو جابەجېکەرڎەی ئەرکەکاشانە گەشمەرڎۍ بیۍ.
هامڕېما عەلیشێر، رەشید و ئامەڎ بە هامڕایی وەشخەنڎەیشا وەردەوام یاڎشا کەرمېوە. سەرەوەشی جە خانەواڎەی بەڕێز و هامڕایا گەشمەرڎەیما عەلیشێر، رەشید و ئامەڎی و حەرپاسە سەرەوەشی جە تەمامو گەلی ۋڵاڎپارێزو کورڎسانی کەرمۍ.
زانیاری سەرو شناسنامەو هامڕایاما پی جۊرەنە:
ناسنامۍ: عەلیشێر چیا
نامۍ و دمانامۍ: عەبدولقەهار کاراساچ
یاگۍ جە ئەڎابیەی: جۆلەمێرگ
نامۍ ئەڎۍ و نامۍ تاتەی: فاتمە- کەرەم
وەخت و یاگۍ گەشمەرڎەبیەی: ئایارو ٢٠٢٢/ هەرێمەکۍ پارېزناو مەدیای
ناسنامۍ: رەشید سەردار
نامۍ و دمانامۍ: عزەت ئاکهان
یاگۍ جە ئەڎابیەی: دیلۆک
نامۍ ئەڎۍ و نامۍ تاتەی: گولیزار – رۆستەم
وەخت و یاگۍ گەشمەرڎەبیەی: ئەیلولو ٢٠٢٢/ هەرێمەکۍ پارېزناو مەدیای
ناسنامۍ: ئامەڎ مایس
نامۍ و دمانامۍ: ئیبراهیم دەمیرجان
یاگۍ جە ئەڎابیەی: مێردین
نامۍ ئەڎۍ و نامۍ تاتەی: سوڵتان - خەتیب
وەخت و یاگۍ گەشمەرڎەبیەی: ئەیلولو ٢٠٢٢/ هەرێمەکۍ پارېزناو مەدیای
هـ . ش
