هەپەگە: یاڎوو هامڕا دژواری ڕاو کۊشیایما ڕۊشن کەرۊوە
هەپەگە ئشناسنامەو گەریلایێش ئاشکرا کەرد کە گارەنە گەشمەرڎەبیەبۍ و چا بارۆ ئەرەیاۋناش، "حەرچنڎە گەشمەرڎەبیەو هامڕایما دژواری پۍ ئێمە قورسا، بەڵام یاڎگاریە بە قیمەتەکێش پۍ ئێمە با بە ڕۊشنایی".
ناوەنڎوو ئەرەیاۋنای و چاپەمەنی هەپەگەی جە بارەو گەریلای گەشمەرڎەیۆ دژوار تۆڵهەڵدانی ۋەڵاش کەردۆ،
"هامڕاما دژوار تۆڵهەڵدان جە ٢/٣/ ٢٠٢٢ ێنە گارەنە تێکەڵ بە قافڵەو گەشمەرڎا بی. هامڕا دژوار ژیۋای شۆڕشگێڵنیی ۋێش جە گۊرە شارەکا تورکیاینە کە فرەتەرین فشاروو دوژمنیشا چنە بۍ و دماتەریچ جە ناوەندەکاو سیستموو سەرمایەدارینە دەسشپنە کەرد. دماتەر ڕووەس کەردە کەشەکاو کوردسانی کە وەرم و ئاواتوو ئاڎیی بۍ و چا پەرەش بە کۊشیای ۋێش دا. هامڕاما کە گرڎ ساتێوەش بە گرڎوو هێزوو ۋێشۆ ژیۋا و دلۍ ریزەکاو گەریلاینە ۋێڕاگریش کەرد؛ بە بەشداربیەی سەرەمڕەو ۋێش و هامڕایی بە قوەتوو ۋێش لووا دلۍ دڵوو گرڎوو ئا هامڕایاشە کە پێوەرە کۊشیاینە بێنۍ. هامڕاما دژوار پۍ ئاردەی دی ئا خیاڵا کە جە دڵە پاکەکەشەنە هۊرش گیرتێبێنۍ، بێ مردای کۊشیا، یاڎگاریۍ وەش و هامڕایێوە، کە حەجگیز جە ویر مەکریۆ، کەردش بە بەشێوە جە ژیۋای شۆڕشگێڵنیی ۋێش.
ئێمە سەرەوەشی جە بنەیانەو هامڕای بە قیمەتیما و گرڎوو گەلە وڵاتپاڕێزەکەیما جە تەماموو کوردسانینە کەرمۍ.
زانیاری جە بارەو ئشناسنامەو هامڕایما دژوار تۆڵهەڵدانی پی جۆرەنە:
ناسنامۍ: دژوار تۆڵهەڵدان
نامۍ و دما نامۍ: مستەفا یاڵچینکایا
شۊنماو جە ئەڎا بیەی: رحا
نامۍ ئەڎۍ و نامۍ تاتەی: حەوا- قاسم
شۊنماو وەختوو گەشمەرڎە بیەی: ٢/٣/ ٢٠٢٢/ گارە
