ئەرەیاۋناو هەپەگەی پەیوەس بە گەشمەرڎەی پی جۊرەنە:

"قارەمانوو ئامەڎیی، هامڕاما میلیتانی ئاپۆیی، ئارمانج مەروان جە ٢٢ۍ ئاداروو ٢٠٢٤ینە گەشمەرڎەبی.

هامڕاما ئارمانج کە فەلسەفەو ئاپۆییش کەردەبۍ بە شێوازوو ژیۋایش، بە فیدایۆ بەشداروو دلۍ ڕیزەکاو گەریلای بی. هامڕاما کە بێ مردای دلۍ هەوڵدای ئێژاکەردەی کۊشیاینە بۍ، پا مەعنێوە ڕەنجێوە ئێژاش بەخشا. هامڕا ئارمانج گرڎ وەختۍ دژوو دەوڵەتوو قڕکەرو تورکی توڕەییەکاش فاڕۍ پەی کۊشیای سەروازی و ئایدۆلۆجی. هامڕاما جە گرڎوو مېڎانەکا کۊشیاینە ورە بەخشۍ بە هامڕاکاش، بە بەشداریکەردەیش جە چنڎین خەباتۍ گرنگۍ و ستراتیجیێنە بی بە لایەقوو باوەڕداری هامڕاکاش. جە هەر یاگێنە کە پېسە فەرماندەی خەبات کەرۍ، حۊڵ دۍ کە فەلسەفەو ئاپۆی زینڎە ڕاگێرۆ.

هامڕا ئارمانج بە کەسایەتی ئەنەیاوای، خاکی و سادەیی بیەبۍ بە فەرماندێوە نموونەی پەی گرڎوو هامڕایاش، بە مۆراڵ و جۆش و خرۆششۆ بی بە سەرچەمەو هێزی پەی هامڕایاش. هامڕا ئارمانج کاریگەریێوە فرەش سەروو هامڕایاش وەشکەرد و جە بواروو کۊشیاینە بی بە سەرچەمەو هێزوو هامڕایاش، حەرچنڎە گەشمەرڎەبیەیش پەی هامڕایاش فرە بە ئێش بۍ، بەڵام بی بە مەڵامەتوو گەشکەردەی کۊشیای.

پی بۆنۆ سەرساغی پەی بنەیانەو قارەمان و هامڕا ئارمانجی و تەماموو گەلوو کوردسانی وڵاتپارێزیما موازمۍ، قەول مڎەیمۍ یاڎ کەردەیۆ هامڕایما بە ئازاڎیی ڕابەرایەتی جە کوردسانی ئازاڎەنە زینڎە ڕاگێرمۍ.

زانیاریی سەروو ئشناسنامەو هامڕا ئارمانجی پی جۊرەنە:

ناسنامۍ /ئارمانج مەروان

نامۍ و دما نامۍ /ئۆزگور یەنی

شۊنماو جە ئەڎابیەی /ئاماد

نامۍ ئەڎۍ و نامۍ تاتەی /ئایشە – سری

شۊنماو وەختوو گەشمەردەبیەی /٢٢ۍ ئاداروو٢٠٢٤ / هەرێمەکاو پارێزناو مەیدیای."