ڕۊو 10و تشرینوو یوەمی هەڵمەتەو "ئازاڎی پەی عەبدوڵڵا ئۊجەلانی، چارەسەری سیاسی پەی پەرسەو کورڎی" جە 74 ناوەندە جیاوازاوە دەسش پەنە کەرڎەن. ئارۊ هەپەجەژەنی هەرێموو فوراتینە بە ئەرەیاوناێوە بەشدارۍ چالاکییەکەی بێنۍ.  ئەرەیاونایەکە پارکوو ١٩و تەمموزینە لاو قسەکەروو هێزوو پارێزنای گلێرگەو ژەناو سەرنیشت و وەرکەوتوو سوریایۊ، زەینەب بارانێوە ئەرەیاونیا.

ئەرەیاوناکەینە ئامان، "ئارۊ بە قۊناغێوە تازەی تارێخییرە  ویەرمۍ. بە جۊشوخرۊش و شانازیێوە فرەوە خێرامای جە هەڵمەتەو 'ئازاڎی پەی عەبدوڵڵا ئۊجالانی، چارەسەری سیاسی پەی پەرسەو کورڎی' کەرمۍ. پێسە هەپەجە ژەنۍ سەرنیشتنە و وەرکەوتوو سوریاینە." ئێمەیچ بەشدارۍ ئی هەڵمەتە تارێخیۍ بیمۍ، پارێزنامەکاو ڕابەر ئاپۊی ڕاو ئازاڎی نیشانە مدا، سەیەو کۊشیای ڕابەر ئاپۊینە، ژەنی جە کۊت و بەندوو کۊیلایەتی ڕزگارۍ با، ئارۊ شەو و ڕۊ کۊشیەیمۍ پەی قەوەتکەرڎەی بناغەو نەتەوەی دیموکراتیکی.

٢٥ ساڵۍ ویەرۊ، ڕێبەرایەتیما ئینا گۊشەگیریی ڕەهانە، ئێمە میاومێنە ئا گۊشەگیرییە نە تەنیا سەروو ڕابەر ئاپۊیرە، بەڵکوم سەروو گرڎیمارە سەپییان، گۊشەگیری دیموکراسیین، دادپەروەری و ئینسانیەتا. پەوکای ئێمە تاوانەکاو دەوڵەتوو تورکیای و هێزە پیلانگێڵنەکا دژ بە ڕابەرایەتیما شەرمەزارۍ کەرمۍ، داوا جە گرڎوو گەلاو جیهانی کەرمۍ دەوروو ئی هەڵمەتە تارێخیینە یۊی گێرا و ئازاڎیی جەستەیی ڕابەر ئاپۊی مسۊگەر کەرا".