هۆرچنیە دلێینەییەکێ سەرنیشتو وەرکەوتو سوریای دما وزیێ پەی ١١ و حوزەیرانی
کۆمیسیۆنو باڵاو هۆرچنیەکا ئەرەیاوناش هۆرچنیە دلێینەییەکێ جە ٣٠ ی ئایاریۆ دما وزیا پەی ١١ وحوزەیرانی.
کۆمیسیۆنو باڵاو هۆرچنیەکا سەرنیشو وەرکەوتو سوریای ئەرەیاوناش هۆرچنیەو شارەوانەییەکا هەرێمەکەی، کە بڕیار بێ ٣٠ ی ئایاری ئەنجام دریۆ، دما وزیا پەی ١١ و حوزەیرانی.
جە ئەرەیاوناکەو کۆمیسیۆنو باڵاینە ئامان:
"ئامانجی سەرەکیما سەرکەوتەو پڕۆسەو هۆرچنیەی و شەفافیەت و دیموکراسییا. وەخت مەرجێوە ئەساسی و بنەڕەتییا پەی یاوای پا ئامانجیە، قەرار پاسە بێ جە ٣٠ ی ئایارینە هۆرچنیەی کریۆ، بەڵام جە درێژەو هەرمانەکامانە، پێما بەرکەوت کە ئا وەختە دیاریکریان وەسێ نییا پەی ئامادەبییەی ئەنجامدای هۆرچنیەو شارەوانییەکا جە هەرێمو سەرنیشتو وەرکەوتو سوریایینە. پۆکەی قەرارمادا هۆرچنیەکەی دما وزمێ پەی ١١ و حوزەیرانی، تا ئامادەکاری خاستەر کریۆ و شیاو هۆرچنیەکەی بۆ. تا ناکۆکی نەبۆ چەنی یاساو هۆرچنیەو شارەوانی کە جەلایانو مەجلیسو گەلا دیموکراتیکی هەرێمو سەرنیشتو وەرکەوتو سوریای پەسەن کریان".
