مېیانو ئەرەیاۋنای قەسەدەی ئامارەو مڎرامانوو ڕۊو ٤و کانونو دووەمو ٢٠٢٥ جە دژو هرووژمە ئەرەگیریەکا دۆڵەتو تورکی و چەتەکاش پەی سەرو دەگایەکا ۋەرکۊتوو پانیشتوو منبجی ئاشکرا کەرڎ.

جە ئەرەیاۋناکەینە ئامان، هێزی سەعات ١و دمانیمەڕۆی، هێزەكاو دۆڵەتو ئەرەگیرو توركی و چەتەكێش بەردەوامۍ بێنۍ جە هرووژمەکاشا پەی سەرو دەگاکا دەوروبەرو بەنداوو تیشرینی و جەنگ جە ما بەینو هێزەكاما و جاشەکانە تا سەعات ٥ و وێرەگای بەردەوام بۍ.

هامكات جە سەعاتەکا سەرسەعبینە هێزەكاو دۆڵەتو ئەرەگیرو توركی و چەتەكێش بە قورسی بۆمبوارانو ناوچەكەیشا کەرڎ و دماتەر دەسشا بە هرووژمکەردەی پەی سەرو تەپو سیریتێلی كەرد، بەڵام هێزەكێما تاواشا وەرپەرچو هرووژمەکەی بڎاوە و ترۆمبێلێوەو فاڕایۆ سەروازی دلێنە بەرا، هەرپاسە هەشت چەتۍ کوشیۍ.

جە هەمان كاتەنە، سەعات ١:٣٠ دەیەقۍ دما نیمەڕۆو هێزی، چەتەكۍ هرووژمشا کەرڎ سەرو كێڵگەو “ئەبو سەعید”ی و ڕووبەڕووبیەیۆ چنی هێزەكا ڕووەشدا، جە ئاکامەنە پەنج چەتۍ کوشیۍ.

دماو ئانەی گرڎو هرووژمەکا جە لایەنو هێزەكاماوە پووچۍ کریێوە، دژمنیچ زەرەرۍ فرەی گیانی و ماددیش ۋەرکۊت؛ دژمن بە ئەنقەست بەرەو لوای چووەرو دەگاو “خربەت زەمالە”یش بە تۆپۍ قورسۍ بۆمبواران کەرڎ.

جە لێوەوتەرۆ یەكەكۍ گەشمەرڎە هارونی ١٣ خاڵۍ و پێگە و ترۆمبێلۍ دژمنیشا جە ناوچەكەنە کەردۍ ئامانج، جە ۋەرو دێر حەفەرینە؛ هێزەكێما نوقتێوە چەتەكا دۆڵەتو ئەرەگترو تورکیشا كرد ئامانج و یۆ جە چەتەكا بە سەختی زامڎار بی.

هەرپاسە ڕۊو جومعەی، دۆڵەتو تورکی كارگەو قەڼیش جە ۋەرکۊتوو شارو دێرحەفەرینە، بە فڕۆكەی جەنگی کەرڎ ئامانج و جە ئاکامەنە بەشێوە گرنگو كارگەكەی دلێنە شی هەرچڼە ئەرەمەرزیێوە مەدەنیی گرنگا كە خزمەتگوزاری پێشكەش بە هاموڵاتیا مکەرۆ، بەڵام دۆڵەتو توركی گرڎو چێوۍ جە ناوچەكا سەرنیشت و ۋەرکۊتوو سووریاینە مکەرۆ ئامانج.