هرووژمەکۍ سوپاو تورکی ئەرەگیری پەی سەرو مېڎانەکا گەریلای سەرەمڕە بەردەوامێنۍ. باڵەفڕە جەنگییەکۍ دۊڵەتو تورکی ١٨جارۍ بۊمبوارانو مېڎانەکاشا کەردەن و٦٧٨ جارۍ بە چەکی قورس، تۆپۍ و هاوەنۍ مېڎانەکێش بۊمبوارانۍ کەردێنۍ.
مېڎانوو زانیاری و ئەرەیاۋنای هەپەگەی سەبارەت بە هرووژمەکا سوپاو تورکی ئەرەگیری پەی سەرو هێزەکاو گەریلای ئەرەیاۋنێوەش وەڵا کەرڎۆ.
دەقو ئەرەیاۋناکەی پی جۊرەنە:
"هرووژموو فڕۆکە جەنگیەکا؛
١٠و ئاداری ٢ جارۍ هرووژم کریا سەرو مېڎانەکا مڎرامانوو گەشمەرڎە شەریفی و گۆشینی جە هەرێموو خواکوڕکی، هەرپاسە مېڎانەکۍ گرگاشێ، دێرەشێ، هەفتباخ، یەکماڵە، دەشتەو کافیەی، گرێ زەنگلێ جە هەرێمو گارێ، ٨ جارۍ، مېڎانوو مڎرامانوو بێشیلی هەرێمو مەتینای، ١ جار، مېڎانوو مڎرامانوو بێشیلی مېڎانوو هەرێمو گەشمەرڎە دەلیلی جە ۋەرنیشتوو زاپی ١ جار؛ بە گرڎیی ١٢ جارۍ مېڎانەکۍ بە فڕۆکەی جەنگی بۊمبوارانۍ کریۍ.
١١و ئاداری مېڎانەکۍ مڎرامانوو بەرێ زینێ، سینینێ و گۆشینی جە هەرێمو گارێ ٣ جارۍ هرووژمشا کریان سەر؛ بە گرڎیی ٦جارۍ مېڎانەکۍ بە فڕۆکەی جەنگی بۊمبوارانۍ کریۍ.
هرووژمەکۍ بە چەکی قورس؛
٩و ئاداری مېڎانەکۍ مڎرامانو بەرێ زین، کەندەکۆلای هەرێمو خواکورکی، مېڎانەکۍ کەشو زەنگل، زێڤکێ، دێرێشێ، گرگاش، سپیندار، مژەی جە هەرێمو گارێ ٥٢ جارۍ بۊمبوارانۍ کریۍ، هەرپاسە مېڎانەکۍ مڎرامانوو سەرێ مەتینای، شێلازێ، بێشیلی جە هەرێمو مەتینای، ٦٣ جارۍ و مېڎانەکۍ کەشو ئامێدی، کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٢٠٦ جارۍ ؛ بە گرڎیی ٣٢٩ جارۍ بە چەکی قورس و تۆپۍ و هاوەنۍ هەرێمەکۍ بۊمبوارانۍ کریێنۍ.
١٠و ئاداری مېڎانەکۍ مڎرامانوو لۆلانی جە هەرێمو خواکوڕکی ١ جار و ٥٤ جارۍ مېڎانەکۍ مڎرامانوو لۆلانی، یەکماڵە، کانی سارکێ، کەشو ڕەشیدی، دێرێشێ، گرگاشێ، مژە جە هەرێمو گارێنە بۊمبوارانۍ کریێنۍ، هەرپاسە مېڎانەکۍ مڎرامانوو سەرێ مەتینای و بێشیلی جە هەرێمو مەتینای ٣٣ جارۍ بۊمبوارانۍ کریێنۍ، هەرێمو گەشمەرڎە دەلیلی جە ۋەرنیشتوو زاپی ٢٥٢ جارۍ ؛ بە گردیی ٣٤٠ جارۍ بە چەکی قورس بۊمبواران کریا.
هەرپاسە جە ١١و ئادارینە مېڎانوو مڎرامانوو گۆسینی هەرێمو خواکورکی ٢ جارۍ و مېڎانەکۍ مڎرامانوو سەرێ مەتینای هەرێمو مەتینای ٧ جارۍ؛ بە گرڎیی ٩ جارۍ مېڎانەکۍ بە چەکی قورس، بۊمبواران کریۍ."
