شاندو دەم پارتی و دەبەپەی، سەرشا ۋنەو دیوانو پارێزگاو سلێمانی دا و چنی د.هەڤاڵ ئەبوبەکری، پارێزنەرو سلێمانی گلېرۍ بیێوە، دماو گلېرۊبیەکەی کۆنگرێوە ڕۆنامەنوویسیشا بینا. جە کۆنفرانسەکەنە هەڤاڵ ئەبوبەکر واتش: ئەرکو گرڎو کوردان پاڵپەشتی جە پرۆسەکەی بکەرا."
ئارۆ شاندو دەم پارتی و دەبەپە، چنی پارێزنەرو سلێمانی کوۍ بیێوە و دماو گلېرۊبیەکەی هەڤاڵ ئەبوبەکر ئەرەیاۋناش، سەرکۊتەی سەرنیشتی سەرکۊتەی کوردین جە هەرکۊو دنیێنە بۆ، پۊکەی ئەرکو گرڎو کوردان پاڵپەشتی جە پرۆسەکەی بکەرا ، پاڵپەشتی تەمامو ۋێما پەی شاندەکەی و پرۆسەکەی واوەی مکەرمێوە.
دماو گلېرۊبیەکەی جە کۆنگرێوە ڕۆنامەنوویسینە هەڤاڵ ئەبوبەکر، بە گەرمی خېرئامای شاندەکەیش کەرڎ و ئەرەیاۋناش، سەرکۊتەی سەرنیشتی سەرکۊتەی کوردین جە هەرکۊو دنیێنە بۆ، پۊکەی ئەرکو گرڎو کوردان پاڵپەشتی جە پرۆسەکەی بکەرا ، پاڵپەشتی تەمامو ۋێما پەی شاندەکەی و پرۆسەکەی واوەی مکەرمێوە، هیواڎارێنمۍ جە لایەنو دۊڵەتو تورکیایۆ بە زوویی جوابو ئی پرۆسەیە بڎریۆوە و ئیتر کات بە زایە نەڎریۆ.
دماتەر کەسکین بایندر، هامسەرۆکو گرڎیی دەبەپەی ئاماژەش پانەی دا، دیدارێوە فرە عالما پېوەرە کەرڎ و وەڵتەریچ کە ئېژا هەڤاڵ ئەبوبەکر سەردای سەرنیشتوو کوردەسانیش کەرد، فرە باسو ئاینڎەو کوردی و کوردەسانیما کەردەبۍ، بێگومان ئی پرۆسە ئەر جە سەرنیشتوو کوردەسانینە وەڵۍ گنۆ ئانە کاریگەرییش سەرو پارچەکا تەرو کوردەسانیچ بۆ.
شاندەکە شارو سلێمانینە چڼین گلېرۊبیەیۍ تەرۍ چنی لایەنە سیاسییەکا و کەسایەتییەکا ئەنجام مڎۆ.
