ئارۊ چوار شەممە ١ / ١١ / ٢٠٢٣ بە ئامادە بییەی وەرپەرسە ئیداری و ڕۊشنویرییەکاو مەنتێقەکەی  و ڕۊشویرا و هونەرڎۊسا هۊڵوو شانۊگەریی خۊشناوعەلی شیعە-ی کریاوە.  

وتاروو خێرامای مەراسیمەکەی لاو  شانۊکار "ڕێباز گوڵپی"یوە، ڕاوەبەروو گرووپوو شانۊیی خورماڵیوە پێشکەش کریا و دماتەر وتاروو وەزارەتی ڕۊشنویری لاو "دیار عزیز" ڕاوەبەروو کتێبخانە گردییەکاوە پێشکەش کریا، وتاروو بنەیانەو کۊچکەرڎە "خۊشناو عەلی شیعە"یچ پێشکەش کریا. هەر جە مەراسیمەکەنە کوڵەفیلموو "عەشقێک لە خانەقادا"ی نمایش کریا کە بەرهەموو گرووپوو شانۊکاراو خورماڵین بە هامکاریی ڕاوەبەرایەتیی گردینوو ڕۊشنویری و هونەری هەڵەبجەی بەرهەم ئامان.

ڕێباز گوڵپی ڕاوەبەروو گرووپە شانۊییەکەی ئەرەیاونانش: کە ماوەو یەرۍ ساڵان، بە هامکاری و پەشتیوانیی کۊمەڵۍ جە دڵسۊزا و هونەرڎۊساو مەنتێقەکەی، هەرمانە هۊڵوو شانۊییەکەینە کریۊ و تەمامیایش کەوت ئارۊ. چی مەراسیمەنە مەبارەکبایی وێما ئاراستەو هونەرڎۊسا و شانۊکاراو مەنتێقەکەی کەرمۍ و سپاسوو هامکاراو پەشتیوانەکاما کەرمۍ، کە تا تەمامیای هۊلەکەی دەسبارشا دایمۍ، ڕاوەبەرەکە هومێدش واست کە هۊڵەکە بۊ بە ناوەندێوە هونەریی گرنگ پەی زیاتەر وەڵیوستەی هونەروو شانۊی و سینەمۍ مەنتێقەکەنە.

یاگۍ واتەینە گرووپوو شانۊکاراو خورماڵی گرووپێوە گەنجۍ چالاکێنۍ ساڵانە بە پاو ئیمکانی کەمیشا مەنتێقەکەنە چالاکیۍ کەرا، بەتایبەت بۊنە تایبتەکانە و بڕۍ جە ئەکتەرەکاشا بەشداریی ڤیشتیڤاڵەکاو کوردسانی کەرا و چند هەنگامۍ یاگەدارێشا نیێنۍ جە وەشکەرڎەی کولەفیلمانە و یاگەدەسشا دیارا.